Барилга.МН сэтгүүл “Гадаад мэдрэмж” булангаараа уншигч та бүхэндээ дэлхийд нэртэй уран бүтээлчдийн ярилцлага, бүтээлүүдээс хүргэхээр бэлдсэн байгаа.

Энэхүү булангийнхаа хамгийн анхны зочноор дэлхийд хэдийнэ танигдсан, Английн нэрт архитектор Дэвид Чипперфилдийн www.designboom.com вэбсайтад өгсөн ярилцлагыг хүргэж байна.

Тэрээр 1953 онд Их Британид төрөн, 1976 онд Кингстоны Техникийн Коллеж болон Лондон дах Архитектурын их сургуулийг тус тус дүүргэжээ. Дэвид Чипперфилд дэлхийн алдарт уран бүтээлчид болох Даглас Стефен, Ричард Рогерс, Норман Фостер нартай хамтран ажиллаж байгаад 1984 оноос өөрийн хувийн компаниа байгуулан ажиллах болжээ. Өдгөө тэрээр Лондон, Берлин, Милан болон Шанхайд өөрийн компанийхаа салбарлуудыг байгуулан үйл ажиллагаагаа явуулж байна.

DB: Танд амьдралд хамгийн сайхан мөч хэзээ тохиодог юм бэ?
ДЧ: Харилцан адилгүй л дээ. Тухайн өдөр ямар байна гэдгээсээ л шалтгаална. Эсвэл би хэнтэй хамт байна бас хаана байна гэдгээсээ шалтгаалдаг.
DB:  Та яг одоо ямар хөгжим сонсож байна?
ДЧ: Бүх төрлийн хөгжмийг. Ихэнхдээ ажлаа хийж байхдаа л хөгжим сонсдог. Хамгийн сүүлд Японы шамисен хөгжмийн цомог худалдаж авсан юм байна.
DB: Өдөр тутмын мэдээллээ голцуу хаанаас авдаг вэ?
ДЧ: Олон улсын “Нью-Йорк Таймс” сонин байна. Бас гэрт маань сонин хүргэдэг шуудан түгээгч бий. Тэр бүгдээс л мэдээллээ авдаг даа.
DB: Таны ширээний ном?
ДЧ: Хилари Мантелын “Өөрийгөө хүмүүжүүлэхүй” гэдэг ном миний ширээний ном. Яг одоо бол би Ричард Сенеттийн “Олны танил эрхмийн уналт” номыг уншиж байгаа.
DB: Та архитектурын эсвэл дизайны сэтгүүл уншдаггүй гэж үү?...илүү дэлгэрэнгүйг Барилга.МН сэтгүүлээс уншаарай.