Францын нийслэл Парис хотын чимэг, хүн болгон дэргэдээс нь л харахыг хүсдэг Эйфелийн цамхаг. Өөрийн гэсэн түүхтэй, дэлхийн гайхамшигт бүтээн байгуулалтуудын нэг гарцаагүй мөн. Эйфелийн цамхагийн барилгын ажил тэртээ 1887 онд эхэлсэн бөгөөд 21 сарын турш баригдаж дуусчээ. 18,000 ширхэг хэсгээс бүрдэх тус цамхагийг Парис хотноо Эйфелийн үйлдвэрт сүндэрлүүлжээ. Олон зуун хүн тус цамхагийг босгох ажилд гар бие оролцсон байна.

Энэхүү томоохон хэмжээний төсөлд ажилласан архитекторууд зөвхөн түүнд зориулсан сонин содон техникээр барьсан юм. Цамхагийг бүрдүүлэгч жижиг хэсгүүдэд оньс, боолтуудыг ашигласан ба ямар ч гагнуур хэрэглэлгүй, бэхэлгээг нэг нэгээр нь тавлан холбож үджээ. 




Төмрөн хэсгийн бүтэц нь нуман хэлбэртэй цул бөгөөд чулуун буюу тоосгон өрлөгтэй баганад суурилсан, орой тийш нарийссан байгууламж юм. 1930 оныг хүртэл Крайслер Барилга баригдтал Эйфелийн цамхаг дэлхийн хамгийн өндөр бүтээн байгуулалт байлаа.




Цамхаг салхинд ганхахаас гадна нарны гэрэл ойроос шууд тусдаг нь сайхан. Эйфелийн цамхагийг зөвхөн үзмэр төдий байгууламж мэтээр ойлгож, хүлээн авах хэрэггүй. Энд олон ажлын байр агуулагдана. Цаг уурын хүрээлэн гурав дах давхарт нь байрлаж, оюутнууд энд судалгаа, шинжилгээний ажлаа явуулна.






   1910 онд дэлхийн I дайны үеэр Франц цэргүүд Эйфелийн цамхагийг хэвлэл мэдээллийн хэрэгслийн шугамаар ашиглаж, усан онгоцнуудтайгаа эндээс холбогдож, дайснуудаа хотоос шахан гаргаж байжээ. Одоо ч радио телевизийн дохиог хотоор нэг цацдаг байна. Эйфелийн цамхаг нь зүгээр энгийн, дурсгалт барилга биш, гадаадын жуулчдын сонирхлыг зүй ёсоор татдаг, аль ч үед хийц, бүтээн байгуулалтаараа онцгой, ухаалаг шийдлээр бүтсэн, долоон гайхамшгийн нэг юм.