Ч.Сайханбилэгийн Засгийн газар бүрэлдэхэд Барилгын салбарыг Д.Цогтбаатар толгойлох болсон. Шинэ сайд ажлаа авсанаас хойш салбарын төрийн болон төрийн бус байгууллагуудтай уулзаж, туршлага судлаж буй талаараа өөрийн нүүр номоороо дамжуулан хуваалцаж байгаа юм. Тэрбээр өнөөдрийн ажлаа  анх 1990 онд байгуулагдсан Монголын Барилгачдын холбооныхонтой уулзаж эхлүүлсэн байна. Манай барилгын салбарын мэргэжлийн ууган холбооны тэргүүн М.Батбаатартай үнэ бүрдэлт, стандарт, норм нормчлол, хөдөлмөр хамгааллын талаар санал солилцжээ.
Тэрбээр “Хөдөлмөр хамгааллын тал дээр хүний амь насыг хайхрахгүй өнгөрч болохгүй. Бурууг бусдаас хайдаг тодорхой бус байдлыг халж, хариуцах эзэнтэй болговол компаниуд хөдөлмөр хамгаалал, аюулгүй байдалд зарцуулах мөнгөө хэмнэх биш, хүндээ зарцуулдаг болно”  хэмээн байр сууриа илэрхийлсэн байна.