Д.Цогтбаатар: Тусгаар тогтносон оронд өөр орны стандартыг шууд хуулах ойлголт байдаггүй
Барилга, хот байгуулалтын сайд Д.Цогтбаатар салбарынхаа төрийн болон төрийн бус байгууллагуудын ажил байдалтай танилцаж байгаа. Тэрбээр өнөөдөр “Барилгын хөгжлийн төв ТӨҮГ”-аар орлоо. Тус төв нь Засгийн газрын 2012 оны 6 дугаар тогтоолоор байгуулагдсан. Газрын харилцаа, барилга, геодези, зураг газрыг татан буулгаснаар, тухайн байгуулагын хэрэгжүүлж байсан барилга, нийтийн аж ахуй, сургалт судалгаа, хөрөнгө оруулалт, барилга захиалагчийн чиг үүргийг Барилгын хөгжлийн төв ТӨҮГазар хэрэгжүүлэхээр болсон юм.
Мөн Засгийн газрын 2014 оны 93 дугаар тогтоолоор БШУЯ, ЭМЯ, ССАЖЯамны дэргэдэх Барилга захиалагчийн албадыг тус төвд нэгтгэснээр улсын төсвийн хөрөнгө оруулалтаар хэрэгжиж буй 4 яамны төсөл хөтөлбөрт Барилга захиалагчийн техникийн хяналт хийж эхэлсэн гэдгээ салбарын сайддаа танилцууллаа. Үүний зэрэгцээ зураг төсөл, норм, норматив, барилга, барилгын материалын үйлдвэрлэл, тусгай зөвшөөрөл олголт, сунгалт, мэргэшсэн инженерийн зэрэг горилох сургалт гээд хариуцсан ажлуудынхаа талаар мэдээлэл өглөө.
Барилгын салбарт евростандартыг нутагшуулах ажлын хүрээнд барилгын норм, дүрэмд үзлэг хийж, техникийн түвшин тогтоох ажлыг “Барилгын хөгжлийн үндэсний нэгдсэн төв” ТББ-тай гэрээний үндсэн дээр хэрэгжүүлж байна. Иргэд, ААН-д хүргэх төрийн үйлчилгээг боловсронгуй болгох үүднээс “Нэг цэгийн үйлчилгээний төв” нээн ажиллуулсан талаараа ярилаа. Сайд Д.Цогтбаатар “Тусгай зөвшөөрөл олгох шат дараалал, дамжлага, цаг хугацаа багассан тухай мэдээлэл авсан. Маш сайн хэрэг. Цаашид ч шаардлагагүй гарын үсэг, дамжлагыг багасгах боломжийг эрэлхийлнэ.
Евро стандартыг нэвтрүүлэхээр эхэлсэн ажлууд сайн байна. Зарим мэргэжлийн хүмүүс евро стандартыг шүүмжилж надад санал хэлж байгаа. Ямарч тусгаар тогтносон оронд өөр орны стандартыг шууд хуулах ойлголт байдаггүй. Тэр стандартыг нутагшуулах, евро стандарттай дүйцэхүйц монгол стандарттай болох хөтөлбөр гаргаж, яамтайгаа хамтарч ажиллаарай. Яг үнэндээ оросжуулсан евро стандарт авмааргүй байна. Орос ах нар төрийн захиргааны хүнд суртал манай монголтой харьцуулашгүй хүнд. Иймд бүгдийг нэвтрүүлэхэд маш урт хугацаа орно. Мөн яамны шинэ бүтэц батлагдаж, норм нормативын хэлтэс байгуулагдаж байна. Энэ хэлтэст шаардлагатай материал, судалгааны ажлуудаасаа гаргаж өгвөл хийх ажил улам л хялбар болно. Богино хугацаанд энэ салбарт ажиллах хэдий ч зорьсон ажлынхаа суурийг зөв тавихад та бүхний дэм тус чухал юм” гэж хэллээ.
Мөн Засгийн газрын 2014 оны 93 дугаар тогтоолоор БШУЯ, ЭМЯ, ССАЖЯамны дэргэдэх Барилга захиалагчийн албадыг тус төвд нэгтгэснээр улсын төсвийн хөрөнгө оруулалтаар хэрэгжиж буй 4 яамны төсөл хөтөлбөрт Барилга захиалагчийн техникийн хяналт хийж эхэлсэн гэдгээ салбарын сайддаа танилцууллаа. Үүний зэрэгцээ зураг төсөл, норм, норматив, барилга, барилгын материалын үйлдвэрлэл, тусгай зөвшөөрөл олголт, сунгалт, мэргэшсэн инженерийн зэрэг горилох сургалт гээд хариуцсан ажлуудынхаа талаар мэдээлэл өглөө.
Барилгын салбарт евростандартыг нутагшуулах ажлын хүрээнд барилгын норм, дүрэмд үзлэг хийж, техникийн түвшин тогтоох ажлыг “Барилгын хөгжлийн үндэсний нэгдсэн төв” ТББ-тай гэрээний үндсэн дээр хэрэгжүүлж байна. Иргэд, ААН-д хүргэх төрийн үйлчилгээг боловсронгуй болгох үүднээс “Нэг цэгийн үйлчилгээний төв” нээн ажиллуулсан талаараа ярилаа. Сайд Д.Цогтбаатар “Тусгай зөвшөөрөл олгох шат дараалал, дамжлага, цаг хугацаа багассан тухай мэдээлэл авсан. Маш сайн хэрэг. Цаашид ч шаардлагагүй гарын үсэг, дамжлагыг багасгах боломжийг эрэлхийлнэ.
Евро стандартыг нэвтрүүлэхээр эхэлсэн ажлууд сайн байна. Зарим мэргэжлийн хүмүүс евро стандартыг шүүмжилж надад санал хэлж байгаа. Ямарч тусгаар тогтносон оронд өөр орны стандартыг шууд хуулах ойлголт байдаггүй. Тэр стандартыг нутагшуулах, евро стандарттай дүйцэхүйц монгол стандарттай болох хөтөлбөр гаргаж, яамтайгаа хамтарч ажиллаарай. Яг үнэндээ оросжуулсан евро стандарт авмааргүй байна. Орос ах нар төрийн захиргааны хүнд суртал манай монголтой харьцуулашгүй хүнд. Иймд бүгдийг нэвтрүүлэхэд маш урт хугацаа орно. Мөн яамны шинэ бүтэц батлагдаж, норм нормативын хэлтэс байгуулагдаж байна. Энэ хэлтэст шаардлагатай материал, судалгааны ажлуудаасаа гаргаж өгвөл хийх ажил улам л хялбар болно. Богино хугацаанд энэ салбарт ажиллах хэдий ч зорьсон ажлынхаа суурийг зөв тавихад та бүхний дэм тус чухал юм” гэж хэллээ.