Барилгын төслийг үр ашигтай боломжит бага зардлаар богино хугацаанд гүйцэтгэх, хямралын үед төслийг эрсдэл багатай удирдан зохион байгуулах тухай ойлголтыг эзэмшүүлэх зорилгоор “Барилгын төслийн удирдлага” сэдэвт семинар  өнөөдөр МҮХАҮТ-ын хурлын танхимын 507 тоотод 09 цагаас 13 цаг хүртэл үргэлжилнэ.

Тус семинарт Барилгын салбарын Хөрөнгө оруулагч болон төсөл хэрэгжүүлэгч, гүйцэтгэгч компаниудын удирдах ажилтнууд оролцсоноор төслийг хэрхэн үр дүнтэй хэрэгжүүлэх болон хямралын үед маркетингийн ямар бодлого баримтлах нь зөв талаарх мэдээлэл авах юм.

Зохион байгуулагчаар: Барилгын Хөгжлийн Үндэсний Нэгдсэн Төв, МҮХАҮТ-ын Барилгын Зөвлөл, Барилга.МН, Fortune Properties Group.