Гэр хорооллын дахин төлөвлөлтөнд шалгарсан компаниудыг батламжиллаа
УИХ-аар батлагдсан “Улаанбаатар хотыг 2020 он хүртэл хөгжүүлэх хөгжлийн хөтөлбөр, 2030 он хүртэл чиг хандлага”-ын баримт бичиг, нийслэлийн Засаг даргын 2013-2016 оны үйл ажиллагаа хөтөлбөрт тусгагдсаны дагуу Нийслэлийн иргэдийн төлөөлөгчдийн хурал нийт 24 байршлыг Гэр хорооллын дахин төлөвлөлтөд хамруулахаар батласан юм.
Нийслэлийн Засаг даргын захирамжаар Баянзүрх дүүргийн 13, 14 дүгээр хорооны нутаг дэвсгэр 14 дүгээр хороолол орчим 7,3 га-д хэсэгчилсэн ерөнхий төлөвлөгөөний дагуу гэр хорооллын дахин төлөвлөлтийн төсөл хэрэгжүүлэгчээр “ЗУРГААН ТАЛТ” ХХК, Чингэлтэй дүүргийн 7 дугаар хорооны нутаг дэвсгэр “Монголын үндэсний олон нийтийн радио телевиз” орчим 4 га талбайд “БАСМАА КОНСТРАКШН” ХХК тус тус шалгарсныг батламжиллаа.
Гэр хорооллын дахин төлөвлөлтийн Төсөл хэрэгжүүлэгчээр шалгарсан компани, төсөлд хамрагдах иргэн, аж ахуйн нэгж болон нийслэлийн Гэр хорооллын хөгжлийн газрын хооронд гурван талт гэрээг батлагдсан загварын дагуу байгуулж, “Гэр хорооллын дахин төлөвлөлтийн үйл ажиллагааны журам”-ыг мөрдөж ажиллахыг нийслэлийн Гэр хорооллын хөгжлийн газарт, захирамжийн хэрэгжилтэд хяналт тавьж ажиллахыг Нийслэлийн Засаг даргын Хот байгуулалт, хөрөнгө оруулалтын асуудал хариуцсан орлогч С.Очирбатад үүрэг болголоо.
Нийслэлийн Засаг даргын захирамжаар Баянзүрх дүүргийн 13, 14 дүгээр хорооны нутаг дэвсгэр 14 дүгээр хороолол орчим 7,3 га-д хэсэгчилсэн ерөнхий төлөвлөгөөний дагуу гэр хорооллын дахин төлөвлөлтийн төсөл хэрэгжүүлэгчээр “ЗУРГААН ТАЛТ” ХХК, Чингэлтэй дүүргийн 7 дугаар хорооны нутаг дэвсгэр “Монголын үндэсний олон нийтийн радио телевиз” орчим 4 га талбайд “БАСМАА КОНСТРАКШН” ХХК тус тус шалгарсныг батламжиллаа.
Гэр хорооллын дахин төлөвлөлтийн Төсөл хэрэгжүүлэгчээр шалгарсан компани, төсөлд хамрагдах иргэн, аж ахуйн нэгж болон нийслэлийн Гэр хорооллын хөгжлийн газрын хооронд гурван талт гэрээг батлагдсан загварын дагуу байгуулж, “Гэр хорооллын дахин төлөвлөлтийн үйл ажиллагааны журам”-ыг мөрдөж ажиллахыг нийслэлийн Гэр хорооллын хөгжлийн газарт, захирамжийн хэрэгжилтэд хяналт тавьж ажиллахыг Нийслэлийн Засаг даргын Хот байгуулалт, хөрөнгө оруулалтын асуудал хариуцсан орлогч С.Очирбатад үүрэг болголоо.