Нийт төслүүдийг ашиглалтад орох хугацаанаас нь хамааруулан үзвэл 25.4% буюу 9,507 айлын орон сууц ашиглалтад орсон, харин үлдсэн 74.6% буюу 27.8 мянга гаруй айлын орон сууц 2014 оны 11-р сараас хойш ашиглалтанд орохоор төлөвлөгдсөн байна.

Зураг 1.5 Нийт айлын тоо, ашиглалтад орох хугацаагаар

Ашиглалтад орон хугацаанаас хамааруулан 1м2ын дундаж үнийг харьцуулбал ашиглалтад орсон төслүүдийн дундаж 2,468.6 мян.төг 2014 оны 4-р улирлынх 2,197.2, 2015 оны 1-р улирлынх 2,459.5, 2-р улирлынх 2,574.3, 3 улирлынх 1,924.7, 4-р улирлынх 2,538.7, 2016 оны 1-р улирлынх 3,582.5, 2-р улирлынх 2,524.0, 3-р улирлынх 3,700.0 мян.төгрөгийн үнэтэй байна.

Доорх хүснэгтээс харахад 2014 онд ашиглалтад орох орох сууцнуудын үнээс 2015 ба 2016 онд ашиглалтад орох орон сууцнуудын үнэ өндөр байх хамаарал ажиглагдаж байна. Үүний шалтгаан нь зэрэглэлтэй холбоотой. Стандарт зэрэглэлийн орон сууцны төслийн онцлог нь хямд үнэтэй хурдан хугацаанд баригддаг, дийлэнх тохиолдолд үнэ нь худалдан авалт хийхэд голлох нөлөөг үзүүлж байдаг учраас 1.5-2 жилийн хугацааны өмнө захиалга авах шаардлага гардаггүй. Харин стандарт сайн болон тансаг зэрэглэлийн орон сууцнууд нь барилгын чанар, орчин нөхцөл гэх мэт үнийн бус хүчин зүйлсээс шалтгаалан худалдан авалт хийгддэг хэрэглэгчтэй учраас хугацаанаас хамаарах хамаарал бага болдог.

Хүснэгт 1.2. Нийт айлын тоо ашиглалтад орох хугацаагаар

2015 оны 4-р улирал ба түүнээс цааш ашиглалтад орох орон 12 орон сууцны төслийн 10 нь стандарт сайн ба тансаг зэрэглэлийн төслүүдэд хамаарагдаж байна. 2016 оны 3-р улиралд ашиглалтанд орох орох сууцны дундаж хамгийн өндөр байгаа бол 2015 оны 3-р улиралд орох орох сууц хамгийн хямд байна.