Нийслэл хотод хүн амын нягтаршил төвлөрлөөс шалтгаалан нийтийн тээвэр, замын түгжрэл, авто машины зогсоолын хомсдол нилээдгүй ихэссэн.  Авто машин хөлөглөгчдийн тоо жил ирэх тутам нэмэгдсээр байгаа. Тэр чинээгээрээ автомашины зогсоолын эрэлт хэрэгцээ ихсэж  байгаа юм. Уг нь орчин үед тавигдаж буй шаардлагаар бол шинээр баригдаж буй барилга байгууламж гадна дотноо автомашины зогсоолтой байх ёстой.

Гэтэл энэ шаардлагыг хангаж буй барилга байшин нийслэл хотод маань хуруу дарам цөөн байдаг. Машины зогсоолтой баригдлаа ч тэр нь зөвхөн тухайн байгууллага болон ажиллагсдад л хамаарагддаг. Харин орон сууцны хувьд оршин суугчдад нь хүрэлцэхтэй үгүйтэй байдгаас гадна ирж буцаж буй хүмүүст бүрч хүндрэлтэй байдаг нь нууц бишээ.

Тэр дундаа авто машины зогсоолын асуудал үйлчилгээ авах гэж буй иргэдэд ихээхэн хүндрэл учруулдаг. Энгийн нэг үйлчилгээний төвөөр ороод гарахад л 1000-2000 төгрөг авдаг тогтолцоо байсаар гэвч үйлчлүүлэгчидийн сэтгэл ханамжинд нийцсэн стандартын зогсоолчгүй байж, зөвхөн ороод гарах тэрхүү жижиг шахцалдсан зай талбайг өнөөдөр зогсоол нэрийдлээр иргэдээс мөнгө авсаар байхуу ? Ядаж л зориулалтын автомашины зогсоолоо барьчихаад үүнийгээ нүүр бардам бизнес болгоосой. Тиймээс зам тээврийн системийн нэн чухал хэсэг болох автомашины зогсоолыг өргөтгөх, шинээр бий болгох шаардлагатай байна. 

Гадны улс оронд стандартын авто зогсоолоо бариад  бизнес болгон хөгжүүлж  байна.   Доорх зургаар жишээ болгов.