Италийн онцгой газар болох Альпийн нурууны оргил дээр орших, бидний өмнө нь хэзээ ч харж байгаагүй хамгийн гайхамшигтай байгалийн орчинд баригдсан энэ жижигхэн шувуун нуруутай сууцыг архитектор Giovanni Pesamosca зохион бүтээжээ. Тэрээр үүнийг явган аялагч, уулчин Luca Vuerich-ийн дурсгалд зориулан барьсан бөгөөд уулчид, аялагчдад энэ нь түр орогнох байр болох гэнэ.
        Сууцыг уулын нурууг санагдуулам гурвалжин бүтээцээр хийхийг зорьсон. Байгалийн хүйтэн цаг агаарт, асар том дэнж дунд буй сууцны гадна ханыг модоор угсран, интерьерийг аялагчдад тухлаг санагдуулам дулаан өнгөөр шийджээ.
        Сууц нь аглаг зэлүүд газар хүнд тав тух, тайтгарлыг өгөхийг зорьсон бөгөөд түр амрах ортой байх юм.  Үүнд  дээд тал нь 9 уулчин багтахаар тооцоолон хийсэн. 
      Мөн сууцны суурийг маш нарийн хэмжиж хийсэн бөгөөд барилгачдын багийн зарим нь ууланд авирч,  зарим нь энд нисдэг тэргээр ирэн, барилга баригдах үйл явцыг нэг өдрөөс ч богино хугацаанд дуусгаж чадсан байна.
        Алс хол байгаагаас болоод энэ сууцыг харж хандах боломжгүй тул ирэх хэдэн 10 жилдээ хэлбэрээ зөв хадгалж чадах ухаалаг хэрэглээтэй, урт настай сууц байлгахын тулд боломжтой бүхий л архитектурын аргуудыг ашиглажээ.