Нийтийн эзэмшлийн 85 гудамж, цэцэрлэгийн 66.5 га талбайн ногоон байгууламжийг 2014 онд арчилна. “Нийтийн үйлчилгээний Улаанбаатар нэгтгэл”, хувийн хэвшил, аж ахйун нэгж байгууллагууд хамтран  энэ жил нийтдээ 700 мянган м² зүлэг, 90 мянган мод, 800 мянган сөөгөнд арчилгаа тордолгоо хийж байна. Нийслэлийн гудамж, цэцэрлэгүүдэд 450 мянган ширхэг мод, сөөг тарьсан. Зүлэг тарих ажил 6 сарын 1-нээс 7 сарын 5 хүртэл  үргэлжлэх бөгөөд ажлын явц 80 хувьтай байна. Зүлэг шинээр болон нөхөн тарих ажил 200 мянган м2 талбайд хийгдэх юм. Харин цэцэгжүүлэлт 6 сарын 5-наас эхэлж 500 мянган ширхэг цэцгийг 30 мянган м² талбайд суулгахаас 70 хувийг нь тариад байна. 
           Ногоон байгууламжийн хөрсийг ариутгах ажил 152 м² талбайд хийгдсэн. Мод, сөөг, зүлэгний хөрсийг 6-р сарын эхний 15 хоногт багтаан шөнийн цагаар ариутгалаа. Ургамлын өвчин, хортонтой тэмцэх ажлын хүрээнд 88150 ширхэг   мод бут сөөгийг 6-р сарын 25-наас 7 сарын 10-ны хооронд ариутгах юм. Энэ жил 300 мянган м² зүлгэж хяргаж тэгшилж, 6000 у/м урт метр ургамлан хашлага хэлбэршүүлнэ. Улиасны үр хаялтыг багасгах, хэлбэржүүлэлт, хяргалт хийх ажлыг 7 сар гэхэд дуусгахаар ажиллаж байна. 
        Хотын 6 дүүргийн хэмжээнд нийтийн эзэмшлийн гудамж талбай, орон сууц, гэр хорооллын дундах нийт 400 мянган м² талбайн зэрлэг ургамлыг 8 сарын 20 гэхэд устгаж дуусах гэнэ.