Улаанбаатарт бага сургууль, цэцэрлэгийн цогцолбор барих тухай нийслэлийн Засаг даргын захирамж 2 жилийн өмнө гарсан ч барилгын ажил эхлээгүй  байна. БЗД-ийн 22-р хорооны нутаг дэвсгэрт баригдахаар төлөвлөгдсөн ч газрыг чөлөөллөх ажил хойшлогдсоор  өнөөг хүрчээ.
    Уг цогцолборын барилгын трасст  иргэдийн өмчлөл, эзэмшлийн газар болон газар дээр  байгаа барилга байгууламжид  үл хөдлөх эд хөрөнгийн нөхөн олговор олгож, чөлөөлөх шаардлагатай байгаа тул нийслэлийн Засаг дарга “Нөхөх олговор олгох тухай захирамжийг саяхан  гаргаж тус газарт буй 5 иргэний үл хөдлөх хөрөнгө болон эзэмшлийн газрыг үнэлж, нөхөн олговорт нийт  455 520 227 төгрөгийг олгохоор  шийдвэрлэжээ. Нийслэлийн Засаг дарга нөхөн олговрын  хөрөнгийг нийслэлийн газар чөлөөлөх 2014 оны зардлаас санхүүжүүлэхийг Тамгын газрын Санхүү, төрийн сангийн хэлтэст даалгалсан бөгөөд иргэн, аж ахуйн нэгжийн өмчлөл, эзэмшлийн газар дээрх үл хөдлөх хөрөнгийн нөхөх олговрын гэрээг холбогдох хууль тогтоомжийн дагуу  тохиролцон байгуулж гэрээнд заасан хугацаанд газар чөлөөлөхийг  нийслэлийн Өмчийн харилцааны газарт үүрэг болгосон байна.