Барилга хот, байгуулалтын яам /БХБЯ/, Барилгын хөгжлийн төв, Монголын архитекторын эвлэлтэй хамтран “Аймаг, нийслэлийн ерөнхий архитекторуудад зориулсан сургалт”- ыг саяхан “Монголын архитекторуудын ордон”-д зохион байгуулжээ.
Сургалтанд Ховд, Завханаас бусад бүх аймгийн ерөнхий архитекторууд хамрагдсан бөгөөд 2 өдөр “Газар ашиглалт, хот төлөвлөлтийн уялдаа холбоо”, “Түүх, соёлын дурсгалт барилгын хадгалалт, хамгаалалт”, “Газар хөдлөлийн гамшгийн эрсдлийг бууруулах ажлын хүрээнд инженерийн барилга байгууламж, шугам сүлжээний мэдээллийн сан байгуулах ажил”, ”Хотыг дахин хөгжүүлэх хуулийн төслийн тухай”, “Гэр хорооллын дахин төлөвлөлтийн төслийн үйл явц”, ”Олон улсын хот төлөвлөлтийн туршлага” зэрэг сэдвээр сургалтанд хамрагдсан байна.
     Түүнчлэн аймгуудын ерөнхий төлөвлөгөө боловсруулж буй гүйцэтгэгч аж ахуйн нэгж байгууллагын зүгээс мэдээлэл хийж, санал солилцжээ.