“Герман Монголын хамтын ажиллагааны нийгэмлэг”-ээс санаачлан 2 улсын бизнес эрхлэгчдийн дунд  “Монгол Германы бизнес өдрүүд” нэртэй үзэсгэлэнг зохион байгуулах гэж байна. Үзэсгэлэн  энэ сарын 16-17-ны өдрүүдэд “Blue sky” цамхагт болох бөгөөд Германы бизнесийн байгууллагтай хамтарч ажиллах хүсэлтэй бизнес эрхлэгчдэд зориулжээ. “Монгол Германы бизнесийн өдрүүд”-эд дурын аж ахуйн нэгж, байгууллага оролцож болохооро давуу талтай. Одоогийн байдлаар 37 компани бүртгүүлээд байгаа бөгөөд ямарч үнэ төлбөргүй юм байна.
     Зохион байгуулагчдын зүгээс үзэсгэлэнгийн үеэр олон арга хэмжээ зохион байгуулахаар төлөвлөснөөс  "Инфраструктур, хот тохижилт, технологи болон менежмент" сэдэвт семинарыг онцолж байгаа аж. Үзэсгэлэнгийн нээлтэнд УИХ-ын гишүүн Ч.Улаан, ХБНГУ-ын Онц бөгөөд бүрэн эрхт элчин сайд Герхард Тийдемани, ХБНГУ-ын Баден-Вюрттемберг мужийн шадар сайд бөгөөд Санхүү эдийн засгийн сайд Нийльс Шмид нарын албаны хүмүүс оролцоно.