Дэлхийн хөлбөмбөгийн аварга шалгаруулах тэмцээн нээлтээ хийгээд удаагүй байгаа энэ цагт зарим алдартай хөлбөмбөгчдийн байшинг сонирхуулахаар бэлтгэлээ.

Neymar
Неймар Барселонад ирснээр шинэ гэр хайж олох хэрэгтэй болсон.  Алдарт Роналдиньогийн сууж  байсан нэгэн тансаг сууцыг түрээслэхийг санал болгосон ч татгалзаж өөрийн  харшаа худалдан авахыг хүссэн байна.  Гэхдээ гэр бүлийн гишүүдийнхээ саналаар асар том усан сан, 5 унтлагын өрөө, 8 машины граж бүхий 1000 хавтгай дөрвөлжин метр газрыг эзлэх Роналдиньогийн байшинг сарын 18,000 еврогоор түрээслэхээр болжээ.  
 

Lionel Messi
Дээрээс нь харахад хөл бөмбөгийн хэлбэртэй зургаан өнцөгт дүрс бүхий энэ байшингийн дээврийн тал хэсэг нь ногоон ургамлаар хучигдсан бол үлдсэн хэсэгт нарны гэрэл дотогш чөлөөтэй нэвтрэх шилэн хаалт хийж өгчээ. Мөн байшингийн гадуур татсан хүрээ нь  хөл бөмбөгийн талбайг санагдуулам бөгөөд усан сан, зүлэгнээс бүрдэнэ.  Түүнчлэн нэрт хөл бөмбөгчин эрхмийн цамцны дугаар болох 10-ын тоог санагдуулам дүрс ч харагддаг.
 

Gary Neville
Gary Neville байгальд ээлтэй, тансаг сууц бариулах төлөвлөгөөтэй байсан ч хөршүүдийн эсэргүүцлээс болж эко сууцаа дуусгаж чадахгүйд хүрч байв. Салхин сэнс, нарны эрчим хүч хуримтлуулагч хавтан зэрэг байгальд ээлтэй, сэргээгдэх эрчим хүч ашиглахаар төлөвлөж байсан 5 унтлагын өрөөтэй газар доорх энэ сууцаа барих газрыг 7 жилийн өмнө 8 сая фунтээр худалдан авч байжээ.

Gareth Bale
Бразилийн хөл бөмбөгийн од Kakaгийн эзэмшиж байсан энэ үл хөдлөх хөрөнгийг Gareth Bale сарын 10,000 фунт стерлингээр түрээслэдэг байна.
 

John Terry
Алдартай хөл бөмбөгчин маань  байшингаа 16 сая фунтээр худалдаж авахаас татгалзаж чадаагүй юм. Энэхүү тансаг харш 9 унтлагын өрөө,  усан сан, жакуззи, уурын өрөөтэй.