Засгийн газрын үйл ажиллагааны хөтөлбөрийн хэрэгжилтийг сурталчлах, бодлого, үйл ажиллагааг мэдээлэх, ажил, үйлчилгээний нэр төрөл, хүртээмжийг таниулах зорилгоор яамдууд батлагдсан хуваарийн дагуу нээлттэй өдөрлөгийг зохион байгуулж байгаа билээ. Барилгын салбарын  өөрчлөлт шинэчлэлт  болоод хэрэгжүүлж буй бодлогыг суртчлах, олон нийтэд танилцуулах зорилго бүхий  БХБЯ-ны нээлттэй өдөрлөг энэ бямба гарагт болсон юм. Өдөрлөгт  “Газрын харилцаа, геодези, зураг зүйн газар”, “Зураг төсөл, эрдэм шинжилгээний институт”, “Барилгын хөгжлийн төв”, ”Барилгын материал үйлдвэрлэгчдийн холбоо” зэрэг төрийн болоод мэргэжлийн төрийн бус байгууллагууд оролцсон бөгөөд  “Барилга.МН” сайт, “Барилгын Зөвлөгөө Мэдээллийн Төв”  үйл ажиллагаагаа суртчлан  амжилттай оролцлоо.


      БХБЯ-ны нээлттэй өдөрлөгийн үйл ажиллагааг салбарын сайд Ц.Баярсайхан нээж хэлсэн үгэндээ төрийн алба илүү нээлттэй, илүү шуурхай болж байгааг онцолж байв. Мөн цаашид хийх зүйл ч их байгааг дурдав.
Манай сайтын зүгээс өөрсдийн үйл ажиллагааг суртчлахын зэрэгцээ нээлттэй өдөрлгийг үзэж танилцахаар ирсэн үзэгчдийн дунд хөгжөөнт тоглоом тоглуулж,  хонжворт сугалаа сугалуулаж, “Барилга.МН” сэтгүүлийн шинэхэн дугаараа танилцуулан уншигч, идэвхтэн гишүүдийнхээ дунд нэгэн өдрийг өнгөрүүлэв.