Амралтын өдрүүдээр оффис, бичиг цаасны ажлаас зугатаан энэ жижигхэн байранд ирдэг Австралийн нэгэн хосод зориулан архитектор Паул Морган энэхүү сууцыг зохион бүтээжээ. Ингэхдээ өөрийн туршлага дээр үндэслэн уламжлалт модон хийцийг орчин үеийн хэв загвартай хослуулан сайжруулсан байна.
     Сууцны дотор орон зайг бүхэлд нь шинэчилж, технологийн насжилт зэргийг бодолцон өвөрмөц модон элементүүдийг хэвээр авч үлдэн, гадна хэв загварыг болгоомжтойгоор өөрчилсөн бөгөөд сууцны уламжлалыг дахин нягталсны үндсэн дээр шинэчлэлийн ажлаа дуусгажээ.
        Үндсэн хийц нь том дугуй хэлбэртэй. Амралтын байрны харагдах байдал нь тун гайхалтай бөгөөд том дээврийг тулсан модны мөчрүүд доошлох тусам нарийсах ба сууцны уламжлалыг эвдэн хэт хиймэл архитектурын шийдэл гаргахаас татгалзсан байна.
       Доторх материал нь орчин үеийн загварын чиг хандлагыг бодит байдалтай хослуулан геометрийн дүрс хэлбэрийг агуулсан модон материал байна. Энэ бүх ажлын давуу тал нь эцсийн үр дүнд тав тухтай, энгийн тодорхой байдлыг бий болгоход оршино.