Энэ жил нийслэл хотын 375 жилийн ой тохиож буй. Уг ойг тохиолдуулан Улаанбаатар хотын Захирагчийн ажлын алба, Монголын хог хаягдлыг боловсруулах холбоотой хамтран хотын тохижилтыг сайжруулахаар ажиллаж байна. Тус ажлын хүрээнд саяхан Чингисийн талбайд хаягдал шилээр хийсэн,  харанхуйд гэрэлтдэг 20 сандлыг байршууллаа. Эдгээр сандлын эргэн тойронд цэцэг тарьсан бөгөөд иргэд амран суух тухтай орчныг бүрдүүлсэн юм. Цаашид ч хаягдал шилээр өвөрмөц загвар бүхий тохижилтын ажлуудыг хийхээр төлөвлөж байгаа бөгөөд шилэн сандлуудын дээр бүтээлийн нэр, хийц загварын талаарх мэдээллийг байршуулах гэнэ.