"Буянт Ухаа 1" хороололд нийт 1764 айлын 9 давхар 28 байрыг бариад байгаа.

Уг байруудын улсын комиссын акт энэ долоо хоногийн баасан гарагт гарч дууссан байна. Улсын комиссын актыг ТОСК-аас арилжааны банкуудад хүргүүлж байгаа аж.

Ийнхүү комиссын акт гарсан тул одоо "Буянт Ухаа 1" хороололд байр авах иргэдийн банкны зээлийн асуудал зөвхөн иргэдээс өөрсдөөс нь шалтгаалах аж.

Харин банкны зээлээ шийдүүлсэн иргэдийн тухайд үл хөдлөх хөрөнгийн гэрчилгээ гаргуулах материалаа бүрдүүлж өгөх шаардлагатай юм байна.

Уг байрны оршин суугчдыг улсын баяр наадмын өмнө байранд нь оруулж эхэлнэ гэсэн мэдээллийг ТОСК-ийн удирдлагууд өгч байсан. Гэвч үл хөдлөх хөрөнгийн гэрчилгээ гарахад 14 хоногийн хугацаа шаардагдана гэсэн шалтгаанаар иргэдийн байрандаа орох хугацаа хойшилж байгаа бололтой.