Өмнөговь аймгийн Цогтцэций суманд өнгөрсөн оны долдугаар сараас барьж эхэлсэн 50 ортой 3 давхар эмнэлгийн барилгын ажлын явц 60 хувьтай байгаа бөгөөд ирэх 12 дугаар сард багтааж ашиглалтад оруулахаар төлөвлөжээ. Гүйцэтгэгчээр нь “Буман Констракшн” ажиллаж буй энэхүү эмнэлгийг байгуулахад улсаас 5,2 тэрбум төгрөг төсөвлөсөн. Тус сумын уугуул иргэдийн тоо 8000 хүрдэг  бол уул уурхай, бүтээн байгуулалттай ажил эрхэлдэг 13000 орчим иргэн түр хугацаагаар ажиллаж, амьдардаг аж.
   Оршин суугчдын тоо энэ маягаар нэмэгдэхээр  эмнэлэгт ачаалал үүсээд зогсохгүй сүүлийн жилүүдэд уул уурхайн нөлөөгөөр тоосжилт хэвийн хэмжээнээс хэд дахин ихсэж, иргэдийн хувьд амьсгалын замын өвчнөөр өвчлөх нь эрс нэмэгдсэн учраас шинээр эмнэлэг байгуулах ажил зайлшгүй шаардлагатай байгаа аж.