Нидерландын Буртанж тосгонд байрлах од хэлбэрийн нэгэн өвөрмөц цайзыг танилцуулахаар бэлтгэлээ. Тосгоны нэрээр “Буртанж” хэмээн нэрлэгдсэн энэхүү цайзыг 1593 онд Вильгельм Сайлентын тушаалаар барьсан байна. Тус цайзыг 1568-1648 онуудад 80-аад жил үргэлжилсэн дайны үед Герман болон Гронинген хотын хоорон дахь замыг хянах зорилгоор барьжээ.
       1762 оноос хойш Германы хилээс тусгаарлах үүргийг гүйцэтгэж байсан ч 1951 онд тосгон болсон байна. Харин одоо Буртанж цайз нь музейн үүргийг гүйцэтгэдэг бөгөөд жуулчдын анхаарлыг ч ихээхэн татдаг газар болжээ.
Буртанж тосгон нь маш алдартай аялал жуулчлалын цэг болсон төдийгүй эртний соёлын үнэт өвийг хадгалан үлдсэнээрээ онцлог юм. Жуулчид эндхийн үзэсгэлэнт ногоон цайз, хиймэл нуурын гоо сайханд татагддаг бөгөөд өвөл нь маш дулаан байдаг тул жилийн дөрвөн улирлын турш гэр бүлээрээ амарч зугаалах хүсэлтэй хүмүүсийн хөлд дарагддаг байна.