Япон Улсын “Мицүбүши моторс” корпорациас 2 цахилгаан машиныг нийслэлд өнөөдөр хандивлалаа.  Энэхүү машин нь бүрэн цахилгаанаар ажилладаг  бөгөөд хэрэглээнээсээ шалтгаалан гүйцэд цэнэглэсэн тохиолдолд 150 км замыг туулах хүчин чадалтай гэнэ. 

“Мицүбүши мотор”с корпорацийн ахлах сургагч Цитому Хагивара цахилгаан машины хүчин чадал, хэрхэн хэрэглэх талаар мэдээлэл өгөх үеэрээ “Энэхүү машин зөвхөн байгаль орчинд ээлтэй төдийгүй эдийн засгийн хувьд маш их хэмнэлт авчирдаг. Тодруулал,  2011 онд Японд болсон цунамигийн үеэр гамшигт нэрвэгсэдэд туслах  тээврийн хэрэгсэл нь энэхүү цахилгаан машин байсан.  Хорт утаа ялгаруулахгүй, агаарын бохирдолд үзүүлэхгүй, байгаль орчинд ээлтэй,  дуу чимээ бага, ердийн болон хурдан гэсэн 2 төрлийн цэнэглэгч суурилуулсан гэх мэт олон давуу талтай” хэмээн онцолж байлаа. 

Хэрэв туршилтын автомашин нь  үр дүнгээ өгвөл Нийлэл хотын захиргаа Японы “Мицүбүши Моторс”-той  хамтран ажиллахаар төлөвлөөд байгаа юм. Хандивт өгсөн машиныг НЗДТГ болон Нийслэлийн Байгаль орчин ногоон хөгжлийн газар албан хэрэгцээндээ ашиглах юм байна.