Канадын Альберта мужийн Калгари хотод хоёр жилийн өмнө ашиглалтад оруулсан Энхтайван нэртэй гүүр дэлхийн шилдэг уран барилга, байгууламжийн эгнээнд багтсан байдаг. Өдөрт 6000 хүн зорчдог, 6.3 метр урттай уг гүүрийг байгуулсан гол зорилго нь олон нийтийн хөдөлгөөнийг зохицуулаад зогсохгүй нийгэмшүүлэх нь чухал байсан хэмээн төслийг санаачлагчид нь тайлбарлажээ. 
    Ерөнхий дизайныг Испанийн архитектурч Сантиего Калатрава гаргаж, барилга байгууламжийн ажилд 17 сая ам.доллар зарцуулсан бөгөөд явган хүний болоод дугуйтай зорчигчид зориулсан хоёр хэсэг замтай. Зөвхөн иргэдийн тав тухтай байдлыг анхаарсан автомашин зорчдоггүй энэ гүүрийг бусад улс орны ижил төрлийн гүүрэн байгууламжтай харьцуулбал өртөг багатай “боссон” гэж үздэг.