Үйлдвэрлэлийн ослоос урьдчилан сэргийлэх нь
Урин дулааны улиралд барилга, бүтээн байгуулалтын ажил эрчимтэй өрнөдөг учир хөдөлмөрийн аюулгүй ажиллагааг хангуулж, болзошгүй аюул, үйлдвэрлэлийн осол аваараас урьдчилан сэргийлж, дотоод үйл ажиллагаандаа тогтмол хяналт тавьж ажиллах талаар ажил олгогч, ажилтан нарт Мэргэжлийн хяналтын ерөнхий газраас дараах зөвлөмжийг хүргүүлж байна. Үүнд:
Ажлын байрны эмх цэгцийн талаар:
- Цех, тасаг, үйлдвэрлэлийн шугамуудын хооронд харилцан холбоотойгоор байрлуулах
- Гүйцэтгэх ажилдаа тохируулан машин, тооног төхөөрөмжийг байрлуулсан байх
- Тоног төхөөрөмжийн хоорондын зай стандартын шаардлагыг хангаж байх
- Ажлын байрны цэвэрлэгээг хийж хэвшүүлэх
- Тоног төхөөрөмжид хүрэх аюулгүй зам, гудамтай байх
- Бараа, материал зөөх, тээвэрлэх зам гарцанд тодоррхой таних тэмдэг тавигдсан, хөдөлгөөн чөлөөтэй явагдах боломжтой, шаардлагатай газарт хаалт хашлагатай байх
- Тээврийн хэрэгсэл явдаг зам гарц болон аюултай газарт анхааруулах тэмдэг тавих
- Материал, бүтээгдэхүүнийг хадгалах агуулах зай талбайтай байх
- Хагас бэлэн бүтээгдэхүүнийг ангилан ялгасан байх
- Ажлын багаж хэрэгслийг зориулалтын байранд байрлуулсан байх
- Шалыг тэгш хийж, шатыг хүний нүдэнд харагдахааргүй, намхан хийхгүй байх
- Шалан дээр тос, ус асгарахгүй байх нөхцлийг бүрдүүлэх
- Бохирын шугам, хоолойг зохих журмын дагуу тавьсан байх
- Өдөр тутмын цэвэрлэгээ хийх ажлыг тодорхой эзэнтэй болгох
Өргөх, зөөх төхөөрөмжийн талаар:
- Ачааны даацын дээд хязгаарыг тогтоогдсон хэмжээнээс хэтрүүлэхгүй байх
- Өргөх, зөөх төхөөрөмжинд графикын дагуу тогтмол үзлэг, шалгалт хийж баталгаажуулсан байх.
- Хяналтын самбар, дохиоллын системүүд бүрэн бүтэн, ажиллагаатай байх
- Өргөх, зөөх, төхөөрөмжөөр ажил гүйцэтгэх үед түүний доор болон аюултай бүсэд ямар нэг ажил хийхгүй байх
- Аваарын дохиолол, тормосны системийг байнга хянаж байх
- Өргөх, зөөх төхөөрөмжийн операторуудад зохих мэдлэг олгосон байх
- Ажиллагаа дууссан үед эвүүрийг тогтмол хийж хэвшүүлэх
- Дохиог зөв өгч сурах
Тоног, төхөөрөмж болон багаж хэрэгсэл ашиглах талаар:
- Цахилгаан дамжуулах хэсэг бүрийг аюулгүй ажиллагааны шаардлагын дагуу хамгаалсан байх
- Тоног төхөөрөмжийн хаалт, хамгаалалтыг зохих ёсоор бэхлэсэн байх
- Зорох машины диск хагарахаас сэргийлж хамгаалалт тавих
- Суурь машинтай харьцаж ажиллах үед үртэс үсэрч хүний биед гэмтэл учруулахаас урьдчилан сэргийлсэн байх
- Тоног төхөөрөмжийн зуурагдах , хавчуулагдах хэсгээс сэргийлсэн хаалт, хамгаалалт хийж зориулалтын хувцсаар хангасан байх
- Машин механизм, тоног төхөөрөмжийг шууд буюу аваарын байдлаар зогсоох тоноглолоор хангасан байх
- Засвар, үйлчилгээ хийх үед тоног төхөөрөмж гэнэт ажиллахаас сэргийлж цоожлогч анхааруулах тэмдэг тавьсан байх
- Илэрсэн зөрчил дутагдлыг цаг хугацаанд нь засч байх
Цахилгааны аюулгүй байдлын талаар:
- Гүйдэл дамжуулагч давхар тусгаарлагчтай байх
- Цахилгаан машин, тоног төхөөрөмжийг газардуулсан байх
- Цахилгаан дамжуулах утсыг аюулгүй ажиллагааны дагуу монтажилсан байх
- Тэсрэмтгий хий агуулдаг байр, савны орчимд цахилгаан нум үүсэх буюу цахилгааны утсыг хөврүүлэхээс зайлсхийх
Гагнуурын аюулгүй байдлын талаар:
- Гагнуурчдын ажлын байрыг тусгайлан бэлдсэн байх
- Хийн баллоныг тусгай зориуллатын тавиурт, хооронд нь зохих хэмжээний зайнд тавьж байрлуулах
- Таарч тохирсон нүдний шил, нүүрний хаалт зэргийг ашиглах
- Хамгаалалтын бээлий хийж хэвшүүлэх
- Гагнуурын ажил хийх үед агаар сорон зайлуулах төхөөрөмжийг ажиллуулах
- Цахилгааны утас бүрэн бүтэн , гэмтэл согоггүй байх
- Шатамхай материалын дэргэд гагнуурын ажил хийхийг хориглох
Машин, тоног төхөрөмжид үзлэг, шалгалт хийх талаар:
- Машин, тоног төхөөрөмж бүр аюулгүй ажиллагааны болон ашиглалтын заавартай байх
- Зохих хамгаалалт, хаалтууд бүрэн байх
- Цахилгааны осол гарахаас сэргийлж бүх машиныг газардуулга хийж баталгаажуулсан байх
- Машин, тоног төхөрөмжийг хөдөлгөөнгүй суурилуулсан байх
- Асаах, унтраах товчлуур өөрөө гэнэт ажиллах эхлэхээс сэргийлэх арга хэмжээ авсан байх
- Аваарын унтраалга, товчлуурыг хүн танихад хялбар байдлаар хийх
- Машин, тоног төхөөрөмжийг суурилуулахад хялбар байх
- Ажилчин хүн хийж байгаа зүйлээ байнга хянаж байх нөхцлийг бүрдүүлэх
- Шаардлагатай бол тусгайлсан гэрэлтүүлгээр хангах
- Дамжлагаар ирж буй материал ба гарч байгаа бүтээгдэхүүний урсгал чөлөөтэй байх
- Хаягдал материалыг цаг тухайд нь зайлуулах
ИРГЭД, АЖИЛЧДЫН АЮУЛГҮЙ БАЙДЛЫН ТАЛААР
- Машин, тоног төхөөрөмж бүрийн аюулгүй ажиллагааны болон ашиглалтын заавартай бүрэн танилцаж зохих мэдлэг эзэмшсэний дараа ажиллуулах.
- Ажлын тусгай хувцас, хамгаалах хэрэгслийг хэрэглэж хэвшүүлсэн байх.
- Өөрийн эзэмшсэн мэргэжлийн дагуу ажил үүрэг гүйцэтгэх.
- Аюул осол гарах нөхцөл бүрдсэн байвал ажил үүргээ яаралтай зогсоож удирдах албан тушаалтанд мэдэгдэх.
- Удирдах албан тушаалтны зөвшөөрөлгүй ажил үүрэг гүйцэтгэхгүй байх. Лифтний хонгилд болон бусад сувагжилтын нүх, цонх, өндрөөс эд зүйл унаж болох ажлын талбаруудад хайс хамгаалалт, торыг шаардлагын түвшинд сайтар хийх
- Мөн Барилгын гаднах талбайд болон ойр орчимд нь амьдарч байгаа иргэд, зорчигчдын аюулгүй байдлыг хангаж өндрөөс эд зүйл унахаас сэргийлсэн хайс, хамгаалалт, торыг шаардлагын түвшинд хийхийг Та бүхэнд зөвлөж байна.