АНУ хуванцар саваар байшин барих санааг хэрэгжүүлж эхэлжээ
Дэлхийн олон оронд ядуу иргэд өөрийн байр сууцгүйгээс гудамжинд амьдарч өдөр хоногийг аргацааж байна. Харин эдгээр иргэдийн орон сууцны асуудлыг хямд төсөр аргаар шийдэхийн тулд хуванцар саваар байшин барих боломжтой гэж АНУ үзжээ.
Хуванцар савыг элсээр дүүргэж, шавар цементээр зуураад бууны сум, галын аюулаас айхааргүй бат бөх хана босгож болдог байна. Хуванцар саваар байшин барихад зардлын хувьд маш хямд төсөр бөгөөд орчин үед хуванцар савны хомсдолд орно гэх асуудал байхгүй юм. Учир нь зөвхөн АНУ-д л гэхэд өдөрт 129,6 сая, нэг жилийн хугацаанд 47,3 тэрбум хуванцар сав ашиглагддаг бөгөөд эдгээрийн 80% нь хог булах газарт очдог байна.
Харин 2 унтлагын өрөөтэй, 110 м.кв талбайтай сууц барихад 14,000 орчим хуванцар сав ашиглагдах ажээ. Эндээс үзэхэд АНУ өдөрт 2 унтлагын өрөөтэй 9257 сууц барихад хангалттай хүрэлцэх хэмжээний хуванцар савыг хаягдал болгодог байна. Африк, Ази тивийн ядуу буурай олон оронд хуванцар саваар барилга барьж байгаа ба энэ санааг АНУ ч бас хэрэгжүүлж, хэдэн тэрбумаар тоологдох хуванцар савыг газрын хөрсөнд булах биш эргүүлж ашиглахаар зорьж байгаа аж.
Манай оронд ч хуванцар савны хэрэглээ өдрөөс өдөрт нэмэгдэж, ийм төрлийн хог хаягдал ихээр гарах болсон. Байгаль орчинд хамгийн их хөнөөлтэй хуванцар хог хаягдлыг ашиглан амины орон сууц барьж иргэдээ сууцжуулдаггүй юмаа гэхэд үзвэр үйлчилгээний, хүүхэд залуусын чөлөөт цагаа зөв боловсон өнгөрүүлэхэд зориулагдсан байр байшин барьж болмоор санагдана.
Хуванцар савыг элсээр дүүргэж, шавар цементээр зуураад бууны сум, галын аюулаас айхааргүй бат бөх хана босгож болдог байна. Хуванцар саваар байшин барихад зардлын хувьд маш хямд төсөр бөгөөд орчин үед хуванцар савны хомсдолд орно гэх асуудал байхгүй юм. Учир нь зөвхөн АНУ-д л гэхэд өдөрт 129,6 сая, нэг жилийн хугацаанд 47,3 тэрбум хуванцар сав ашиглагддаг бөгөөд эдгээрийн 80% нь хог булах газарт очдог байна.
Харин 2 унтлагын өрөөтэй, 110 м.кв талбайтай сууц барихад 14,000 орчим хуванцар сав ашиглагдах ажээ. Эндээс үзэхэд АНУ өдөрт 2 унтлагын өрөөтэй 9257 сууц барихад хангалттай хүрэлцэх хэмжээний хуванцар савыг хаягдал болгодог байна. Африк, Ази тивийн ядуу буурай олон оронд хуванцар саваар барилга барьж байгаа ба энэ санааг АНУ ч бас хэрэгжүүлж, хэдэн тэрбумаар тоологдох хуванцар савыг газрын хөрсөнд булах биш эргүүлж ашиглахаар зорьж байгаа аж.
Манай оронд ч хуванцар савны хэрэглээ өдрөөс өдөрт нэмэгдэж, ийм төрлийн хог хаягдал ихээр гарах болсон. Байгаль орчинд хамгийн их хөнөөлтэй хуванцар хог хаягдлыг ашиглан амины орон сууц барьж иргэдээ сууцжуулдаггүй юмаа гэхэд үзвэр үйлчилгээний, хүүхэд залуусын чөлөөт цагаа зөв боловсон өнгөрүүлэхэд зориулагдсан байр байшин барьж болмоор санагдана.
