Улсын их хурлын зүгээс Зам, Тээвэр, барилга, хот байгуулалтын сайдын 2012 оны 18, 181 дүгээр тушаалыг хүчингүй болгох  үүргийг Засгийн газарт өгсөн байна.

       Энэ байдал нь барилгын компаниуд алдагдалтай ажиллахад хүргэж, улмаар цаашид үйл ажиллагаа явуулахад хүндрэлтэй болгож байгаа аж. Иймээс Барилга Хөгжлийн Үндэсний нэгдсэн төвөөс барилгын салбарын төрийн болон мэргэжлийн төрийн бус байгууллагын төлөөлөлтэй уулзаж өчигдөр БХБЯ яаман дээр хэлэлцүүлэг зохион байгууллаа.
     Тус хэлэлцүүлэгт БХБЯ-ны Барилга, барилгын материалын бодлогын хэрэгжилтийг зохицуулах газрын дарга Б.Цэдэнсамба, Монголын барилгачдын холбооны ерөнхийлөгч М.Батбаатар, Барилгын зураг төсөл зохиогчдын холбооны тэргүүн Г.Мягмар, Барилга корпорацийн захирал Шагдаррагчаа, “Улаабаатар барилга” ХХК захирал Б.Жүгдэр, Барилга хөгжлийн нэгдсэн төвийн гүйцэтгэх захирал Г.Батсүх, Өргөн тээвэрлэх машин төхөөрөмж үндэсний холбооны тэргүүн Г. Батсайхан, Төсөвчдийн холбооны тэргүүн Д.Санж зэрэг бусад 30 гаруй аж ахуйн нэгж байгууллага, төрийн бус байгууллагын төлөөлөл оролцлоо.

 ЗТБХБ-ын сайдын 2012 оны 181 дүгээр тушаалыг хүчингүй болгосноор барилгын компаниуд алдагдалтай ажиллаж, улмаар үйл ажиллагаагаа зогсооход хүрэх юм. Олон хүн ажилгүй болж, банкуудад зээлээ төлж чадахгүйгээс банкны салбарт ч гэсэн хүндээр нөлөөлөх болчихоод байгааг хэлэлцүүлгийн үеэр хөндөн ярилцлаа. 

Аудитын байгууллагын хяналт шалгалтын дүнг үндэслэн 181 дүгээр тушаалыг хүчингүй болгох үүргийг УИХ-аас Засгийн газарт өгсөн байна. Ийм нөхцөл байдалд хүргэж байгаа шалтгаан нь төсөв мөнгө нь тодорхойгүй тендер зарлаж, зарим барилгын компаниудад өгсөнтэй холбоотой гэдгийг тус хэлэлцүүлэг дээр хөндлөө.