Барилгын зураг төсөл шалгаруулах уралдаан “Дэлхийн үзэсгэлэн-2010” Сингапур улсад болоход олныг гайхшруулсан нэгэн барилга нээлтээ хийсэн юм. Сингапурын иргэдийн аливаад шинэлэг, бүтээлчээр сэтгэж чаддагийг харуулах зорилго бүхий “Бидний мөрөөдөл, бидний зорилго” уриатай энэ барилгыг “Шилэн үүл” гэж нэрлэжээ.
 Тус улсын "Дизайн Арт" барилгын студээс зураг төслийг нь бүтээж, 2 жилийн турш барьж байгуулсан байна. 3866 шилэн хоргоос бүрдэх аварга том байгууламжийн дэргэд очин дээш харахад үнэхээр ч тэнгэрт шилэн үүл тогтсон мэт санагддаг гэнэ. Үнэхээр ч 3 мянга гаруй том шилэн хорго ташуу хэлбэрээр давхралдан өрөгдсөн байна гэж төсөөлөхөд хүртэл гайхалтай.
Эдгээр аварга том шилэн хоргуудад байгалийн гэрэл чөлөөтэй тусахын зэрэгцээ, урьдчилан тооцоолсон суурийн хэсэгтээ нарийссан ташуу загвар нь байгууламжийг бүхэлд нь харах боломжийг олгодог байна.
Шилэн үүл барилгад “Дэлхийн үзэсгэлэн-2010 “ зохиогдож мөн энэ үзэсгэлэнгийн шилдэг бүтээл нь энэ барилга болсон юм.