“Kavel K” байгууламж нь төмөр зам, автозамаар хүрээлэгдсэн гурвалжин талбайд байрладаг. Энэ нь тэшүүрийн спортод сонирхолтой залуучуудыг татах байгууламж юм. Барилгын хэв загвар нэгдмэл байдлаар бүтээгдсэн ба барилгын фасад нь тэшүүрийн талбайд ууссан мэт харагдахаар төлөвлөсөн.
     “Kavel K” төсөл нь анх 90-ээд онд байгуулагдсан хотын захын нэгэн дүүрэгт   төлөвлөгдсөн  тэшүүрийн гурван байгууламжийн нэг бөгөөд Нидерланд дахь хамгийн томд тооцогдох Винексийн захад төмөр зам авто замуудын хоорондох сул орон зайг ашигласан байна.
     Анх энд зөвхөн тэшүүрийн /скэйт/ талбайг төлөвлөж байсан. Гэвч хүн амын өсөлтөөс шалтгаалан өсвөр насны хүүхдүүдтэй залуу гэр бүлүүд энд олноор суурьших болсонтой холбоотойгоор залуучуудад зориулсан байгууламж  болон тав тухтай орчныг аль алиныг нь төлөвлөхөөр шийджээ.
Зохион бүтээгчид нь  уг байгууламжийг үйл ажиллагаар ч,  харагдах байдлаар ч эргэн тойрныхоо хүрээлэн буй орчны нэг хэсэг  болгохыг чухалчлан авч үзсэн байна.
 Гэвч хэрхэн тэшүүрийн спорт бас залуучуудын гэгдэх төвийг бүхэл цогц байдлаар төлөвлөж боловсруулах вэ?

     Тухайн газрыг тэшүүрээр гулгах хэсэг,залуучуудын төв болон бусад спорт гэсэн 3 бүс болгон хуваасан. Үүнд залуучуудын төв нь гол бүсэд байрлан урд хойд хэсгийг бий болгож уг байгууламжийн гол зангилаа нь болох юм.  Орох хөдөлгөөний хэсэгт газраас дээш хагас метр өргөгдсөн тэшүүрийн талбай байрлана.
Өөрөөр хэлбэл орох хөдөлгөөн гулгах бүсэд байрлах юм. Орох хэсгийн талбайг өргөж өгснөөр гулгагчид орж буй хүмүүст саад учруулахгүй байх бололцоог хангажээ. Харин хойд хэсгийн спортын талбай нь олон үйл ажиллагаанд ашиглагдаж болох аж.

 
Залуучуудын төвийн фасадны үндсэн санаа
 
       Фасадны  гадаргууг графит артаар чимнэ.  Дизайны нэн чухал зүйл бол гадна фасад болон гулгах талбай хоорондын нэгдэл аж. Урд талын анхаарал татахуйц хонхор хэлбэр нь фасадтай нэгдсэн байна. Ингэснээр нүүр хэсэг болон гулгах талбай нь нэгэн бүхэл нэгж болж чадах гэнэ.
2 дахь зарчим нь: Гадна ханыг графит артаар чимнэ. Гадна хана нь хараагүй хүмүүст зориулсан хээ бүхий том бетон хавтангуудаас бүрдэа бөгөөд хананы зураг арилахад хонхор хэсгийн зураг үлдэнэ. Ингэснээр хана нь гадна өнгө, загварынхаа үндсэн санааг хадгалах арга болж байгаа юм.  
 3 дахь үндсэн зарчим нь: Барилгын ашиглалтын уян хатан байдал, ялангуяа түүний давхрын төлөвлөлт юм.   
      Дотор заслын хувьд ирээдүйн үйлчлүүлэгчидтэйгээ хамтран ажилласан бөгөөд том гүйдэг хаалганууд нь дотор орон зайг хэд хэдэн янзаар хуваах боломжтой ажээ.
Одоогийн байдлаар ганцхан орох хаалга нээлттэй байгаа боловч цаашид урд талын хаалгыг мөн ашигладаг болно. Ингэснээр залуучууд болон гулгагчид, спортоор хичээллэж буй өсвөр насны хүүхдүүд, эхчүүд бие биенээсээ хараат бус байдлаар энэхүү байгууламжийг ашиглаж болох гэнэ.
        Байгууламж болон гаднах талбайн ер бусын зохицол нь залуучуудаас гадна багачуудад хараа хяналт, хэн нэгний тусламж дэмжлэггүйгээр үйлчлүүлэх бололцоог олгосон байна.    “Kavel K” Залуучуудын төв нь энд дүүргээс ирж ажиллах залуу ажилчдыг байрлуулдаг байна. “Kavel K”-ийн давуу тал нь насны ялгаа харгалзахгүйгээр залуучуудад зориулсан эерэг үйл ажиллагаанд чиглэсэнд оршино.
 

Бэлтгэсэн: Архитектор З.Булган