Испани улсын Мадрид хотын  уран барилгачид, Номад студийн  ландшафт зохион бүтээгчидтэй хамтран зураг төслийг нь гаргасан маш содон нэгэн хувийн харшийг сонирхуулъя. 
        Барилгын зураг төслийн дагуу үйлдвэрийн ган хийцийг хагарч цуурсан байдлаар загварлан хаалт хийснээр тун өвөрмөц харагдуулах аж.  Харин  нэг давхрын  нүүрэн талын тэн хагаст шилэн цонх хийснээр  маш цэмцгэр болсны зэрэгцээ дээд  давхарт төмөр сараалжин хаалтны  цаана адилхан  шилэн фасадтай байхаар тооцсон. Барилгын хоёр хажууг  битүү бетон хана хийж гол хэсэгт нь цацраг хэлбрийн  хоёр жижиг цонх оруулжээ.
      Уран барилгачдын өгүүлснээр  “Эргэн тойронд гольфийн талбай учраас барилгыг  алсаас харахад шууд нүдэнд тусахуйц содон. Мөн  байшингийн гадна хаалт  сараалжилсан төмөр торон хэлбэртэйгээс  тахир муруй хэмээн ойлгогдож нэрлэгдэх болжээ.  Энэхүү хаалт нь тахир муруй  салхивч хэлбэрээр  онгойх боломжтой.  Ингэснээр орчин тойрныг саадгүй харахын сацуу аюулгүй байдлыг хангах, барилгын гоо зүйд ч өвөрмөц этгээд содон өнгө аяс оруулна.
     Орчин тойрон гэж юуг хэлнэ вэ? Байшин нь гольфийн талбайд байрладгаас гольфийн сахилгагүй бөмбөг зөвшөөрөлгүй орж ирэхээс сэргийлжээ.  Тусгай хэлбэржүүлэн зассан гольфийн талбайн цаана ой мод, уул ус сүндэрлэн харагдана.  Барилгын геометр хэлбэрт энэхүү байгалийн эрүүл  тэгш  газар гайхалтай сайхан зохицжээ.  Түүнчлэн гадна цэцэрлэг нь барилгын тэгш дөрвөлжин хэлбэртэй уялдаж чаджээ.