Нийслэлд иргэдийн очих дуртай нэгэн газар нэмэгдсэн нь Үндэсний цэцэрлэгт хүрээлэн. Гэр бүл найз, нөхөд, анги хамт олноороо чоиж хамтдаа хөгжилдөх боломжийг бүрдүүлж буй энэ газарт ерөнхий сайд Н.Алтанхуягийн санаачилгаар 2,7 га талбайд спортын цогцолбор байгуулж байгаа юм.
     Ерөнхий сайдын багцын хөрөнгөөс 5 орчим тэрбум төгрөг зарцуулж буй цогцолборын бүтээн байгуулалтын эхний хэсэг болох хөлбөмбөгийн талбай, 2,7 км дугуйн замыг өнгөрсөн амралтын өдөр нээжээ. Мөн спортын цогцолборт сагсан бөмбөг, газрын теннисний талбайнууд, гүйлт, цанын хосолмол зам удахгүй ашиглалтад орох гэнэ. Ингэснээр Үндэсний цэцэрлэгт хүрээлэн биеийн тамир, спортоор хичээллэх зориулалтын иж бүрэн талбайтай болох юм. 
        Спортын цогцолборын бүтээн байгуулалтын ажлыг  "Бүрд", "Цагаан зам" зэрэг үндэсний компаниуд олон улсын стандартын дагуу гүйцэтгэж байна. Гүйлтийн замыг гэхэд дотоодод үйлдвэрлэсэн зөөлөн резинэн материалаар хийжээ.