Өнгө бүр өөр өөрийн бэлгэдэлтэй төдийгүй хүний оюун ухаанд шууд болон шууд бусаар нөлөөлдөг болохыг сэтгэл зүйчид баталдаг. Зуны улирал ирж байгаатай холбогдуулан ногоон өнгөний бэлгэдэл, энэ өнгө хүмүүст хэрхэн нөлөөлдөг болох тухай бяцхан мэдлэг өгөхөөр шийдлээ.
            Хүн төрлөхтөн ногоон өнгийг эртнээс хүчирхэг байдал, итгэл найдвар, хуучинсаг үзэл, энх амгалан, баян чинээлэг, үхэшгүй мөнхийн бэлгэдэл болгон үзсээр иржээ. Түүнчлэн энэ өнгийг сэтгэл зүй судлалд амгалан тайван байдлыг бэлэглэж, тайвшруулах увидастай  болохыг  баталдаг байна. Харин өрнийн зурхайд ногоон өнгөнд дуртай хүнийг хувийн зохион байгуулалт сайтай, сандарч тэвдэж байсан ч тайван харагдаж чаддаг гэж тодорхойлдог аж.
      Тэгэхээр нил ногоон өнгө нь айл гэрт амар амгалан тайван байдал авчирч, тайвшруулах нөлөө үзүүлэх нь. Иймд энэ өнгийг орон сууцны дотоод засалд зөв зохистойгоор хослуулахад туслах зорилгоор хэд хэдэн зураг танилцуулж байна.