Урин дулаан цаг наашлаж, бүтээн байгуулалтын ажил эхлэж байгаатай холбогдуулан чанаргүй хийгдсэн цонхоор алдаж буй дулааны алдагдалыг бууруулах, цонхны чанарыг сайжруулах, үл хөдлөх хөрөнгийн үнэ цэнийг насжилт урттайгаар хадгалах, улс эх орны эрчим хүчний хэмнэлтэнд нөлөөлөхүйц үр дүн гаргах зорилгоор, мөн үндэсний үйлдвэрлэгчидээс шалтгаалах үүрэг хариуцлагыг нэмэгдүүлэх зорилттойгоор цонх хаалга үйлдвэрлэгчдэд цаг үеийн асуудлуудаар цогц мэдээлэл, зөвлөгөө өгч харилцан мэдээлэл солилцох “БАРИЛГЫН ЦОНХНЫ ЦААДАХ АМЬДРАЛ”  сэдэвт уулзалт зөвлөгөөнийг Монголын Цонх Хаалга Үйлдвэрлэгчдийн Холбоо төрийн байгууллагуудтай хамтран  амжилттай зохион байгууллаа.
         Уулзалт зөвлөгөөнийг МЦХҮХолбооны Тэргүүн Л.Гантөмөр нээж үг хэлсэн ба  нийтдээ 80 гаруй үйлдвэрлэгч аж ахуйн нэгж байгууллагууд оролцлоо.
Дэлхий нийтэд хүлэмжийн хийн ялгарал, ногоон барилга байгууламжийг хөгжүүлэхээр олон талт ажилуудыг зохион байгуулж буй энэ цаг үед хамтдаа үндэсний стандарт норм дүрмийн шаардлага хангахгүй, чанаргүй, хямд үнийн сонголттой цонхы хэрэглээг зогсоох, эрчим хүчнийг алдагдалыг бууруулах чиглэлд анхаарлаа хандуулан ажиллах шаардлагатай байгааг онцолж байлаа. 
Уулзалт зөвлөгөөнийг хамтран зохион байгуулж, мэдээлэл тавьж оролцсон байгууллагууд :

Монголын Цонх Хаалга Үйлдвэрлэгчдийн Холбооны Гүйцэтгэх захирал Б.Отгонбаяр
          Жил бүр төрийн байгууллагуудтай хамтран шинээр баригдаж буй барилгын цонхны чанарт шалгалт хийдэг ба 2013 онд нийт 61 барилгад тавьж буй цонх хаалганы чанарт үзлэг шалгалт хийхэд материал болоод технологийн хувьд 48%, суулгалтын хувьд 95%-н стандартын шаардлага хангахгүй дүгнэлттэй гарсан байна. Барилгын цонхоор алдаж буй дулааны алдагдал байх ёстой норматив утгаасаа даруй 1-2 дахин алдаж байгааг онцолсон ба энэ нь барилгын захиалагч, хөрөнгө оруулагч байгууллагууд цонхны чанарыг биш хямдыг сонгож байгаатай холбоотойг дахин дурьдаж байлаа. Мөн чанаргүй цонхны эрэлтийг хөгжүүлж, барилгын цонхны нэр хүндийг унгаж, үл хөдлөх хөрөнгийн үнэ цэнийг бууруулж байгаа ноцтой хүчин зүйл бол төсөв өртөг, зураг төсөлтэй холбоотой ба өнөөдөр төсөв, зураг төсөл зохиогчид үнэнд нөлөөлөх хүчин зүйлийн талаар ямар ч судалгаа байхгүй, стандарт норм дүрэм тусгахгүйгээр хамгийн хямд, чанаргүй материалаар /олон нийтийн хэлдэгээр хулхи/ 100 айл гэх тодотголтой худалдааны гудамжинд технологийн бус аргаар хийж, гудамжны үнэлгээгээр төсөв зохиож байгаа нь хэрэглэгчдийг хохироож, үндэсний үйлдвэрлэлийг үнэгүйдүүлж байгааг онцолсон юм. Тиймээс 100% стандарт норм дүрмийн шаардлага хангасан экспортын материалаар технологийн алдаа зөрчилгүй үйлдвэрлэсэн цонхны 1м²-ын доод үнэ 190.000 байхаар МЦХҮХолбоо албан ёсоор тогтоосоныг зарласан ба энэхүү үнэлгээнд суулгалтын үнэ ороогүй юм байна. Суулгалтын үнийг бодохдоо үндсэн үнэ дээр 20%-ыг нэмж тооцно гэдгийг тодотгож байлаа.
    Мөн барилгын цонхоор алдах дулааныг алдагдлыг бууруулахын тулд ядаж олон нийт орон сууцны барилгын цонхыг 70-аас дээш системтэй, 3 давхар шилтэй болгохыг Төр засгийн байгууллагууд, хөрөнгө оруулагч, захиалагч байгууллагууд, үйлдвэрлэгчиддээ уриалж байсан. Цонх хаалганы үйлдвэрлэл Монгол улсад хөгжсөн ба чанартай бтээгдэхүүн үйлдвэрлэгчид олон байгааг дахин онцолж байлаа.
 Барилга хот байгуулалтын яамны барилга, барилгын материалын хэрэгжилтыг зохицуулах газрын мэргэжилтэн Г.Цэрмаа
        МУ-ын Засгийн газраас барилгын материалын үйлдвэрлэлийг хөгжүүлэх, үндэсний үйлдвэрлэлийг дэмжихээр томоохон төсөл, хөтөлбөрүүд, хөрөнгө оруулалтын хүрээнд хэрэгжүүлж буй ажил үйлчилгээны талаар мэдээлэл тавьж оролцлоо. Чингис бондын санхүүжилтээр 2014 онд Импортыг орлох материалын үйлдвэрүүдийг санхүүжүүлэхээр 38 төслийг Засгийн газрын ХЭГ, Хөгжлийн банкинд хүлээлгэн өгсөн ба үүнээс БМҮ тэр дундаа цонх хаалганы үйлдвэрлэлийн хувьд хатаасан шилний үйлдвэрлэл болон хөрөнгө оруулалтын чиглэлээр хөнгөлттэй зээлд хамруулж үйл ажиллагааг дэмжиж ажилласан тухайгаа онцолж байлаа. Цаашид цонх хаалганы үндсэн материал болох хуванцар бэлдэцийн түүхий эд материалыг Гааль, НӨАТ –ийн хөнгөлөлтөнд оруулах, бэлэн бүтээгдэхүүний гаалийн татварыг нэмэгдүүлэхээр МЦХҮХолбоотой хамтран холбогдох яамдуудад санал хүргүүлж байгааг хэлж байсан.  
Хөдөлмөрийн яам, Жижиг дунд үйлдвэрийг хөгжүүлэх сангийн зээлийн эдийн засагч С.Цогтсайхан
        МУ-ын Засгийн газраас жижиг, дунд үйлдвэрлэлийн салбарт баримталж буй бодлого, хэрэгжүүлсэн ажлуудынхаа талаар танилцууллаа. Тэр дундаас зээлийн батлан даалтын сан жижиг, дунд үйлдвэр эрхлэгчдийг дэмжих бодлогын хүрээд ямар нөхцөлд зээлийн батлан даалт гаргах талаар оролцогчдад дэлгэрэнгүй мэдээлэл тавьж оролцлоо.
 
Гаалийн ерөнхий газар, гаалийн хяналт бүрдүүлэлтийн хэлтэс, улсын ахлах байцаагч: Д.Эрдэнэсүрэн                                                                                
         МУ-ын Гаалийн бодлого, импортын маериалын гаалийн бүрдүүлэлт, үнэ үнэлгээний талаар тодорхой мэдээлэл тавьж оролцогчдын асуултанд тодорхой хариулт өгч оролцлоо.
Хас банкны Эко банкны захирал Б.Туул
        Хас Банкны хүлэмжийн хийн ялгарлыг бууруулах хөтөлбөрийн ногоон барилгыг дэмжих зээлийн бодлогийн хүрээнд хэрэгжүүлж буй төсөл хөтөлбөрүүдийг танилцууллаа. 2012 оны 12  сард Дойче банкны Даян дэлхийн уур амьсгалын хамтын ажиллагааны сангаас хүлэмжийн хийг бууруулах чиглэлээр 20 сая ам.долларын санхүүжилт авах гэрээ байгуулсан  ба уг санхүүжилтийн хүрээнд ХасБанк “Хүлэмжийн хийг бууруулах хөтөлбөр” хэрэгжүүлж, хүлэмжийн хийг бууруулах, эрчим хүчний хэмнэлттэй бүтээгдэхүүний үйлдвэрлэл, худалдаа, угсралт суурилуулалтын үйлчилгээ эрхлэгч болон эцсийн хэрэглэгч бизнесүүдэд  хөнгөлөлттэй нөхцөлөөр олгож буй бизнесийн зээлийг дэлгэрэнгүй танилцууллаа. Эрчим хүчний хэмнэлттэй барилгын материал болон барилгын дулаалгын материалд дулааны хэмнэлттэй хуванцар цонх орж байграа юм байна. Зээлдэгчид тавигдах нэмэлт шалгуур:

Шилэн хийц ХХК-ны ерөнхий захирал Д.Гантулга
        Хатаасан шил болон LOW E шилний нийлүүлэлтийн талаар танилцуулаа. Ердийн шилийг өндөр температурт уяраасны дараа огцом хөргөснөөр шилний бат бэх даруй 4-5 дахин нэмэгдэж,  дулааны энерги шилний дотоод бүтцэд шингэж үлдсэнээр дулаан тусгаарлах чадвар нь эрс нэмэгддэг байна. Орчин үеийн барилгын шилэн фасаданд хатаасан шил зонхилох үүрэг гүйцэтгэдэг. Хатаасан шилний технологи болон зуухны ажиллах хүчин чадлын талаар танилцуулсан ба эрсдэл өндөртэй, ашиг багатай, ачаалал ихтэй бизнес ба дотоодийн хэрэгцээнээс илүү гарсан үйлдвэрлэл байгаад ашиггүй болохыг онцолж байлаа. Жишээ нь 60 сая хүн амтай Солонгос улсад ердөө 50 зуух ажиллаж дотоодын хэрэгцээг хангаад, экспортонд гаргадаг байхад 3 сая хүн амтай манай улсад 5 зуух ажиллаж эхэлсэн ба цаана нь олон төсөл яригдаж байгааг бодож үзэх асуудал бололтой.
БНХАУ-ын Шайд группын Монгол дахь экспорт хариуцсан захирал Лиза
        Зөвхөн МУ-ын зах зээлд зориулан гаргаж буй шинэ брэндийн танилцуулга /хийц загвар, үнэ, тээвэрлэлт, ханган нийлүүлэлтийн талаар танилцууллаа.
Манай улсын цонх хаалганы үйлдвэрлэлийн 30-40%-ыг Шайд группын хуванцар бэлдэц хангадаг юм байна. Гэхдээ энэ хувь одоогоос 3,4 жилийн өмнө 70-80% байсан бол өнөөдөр энэхүү материалын чанар муугаар яригдаж байгаа нь БНХАУ-ын дотоодын зах зээлд хэрэглэгдэх импортын хуванцар материал болон хульхи материал ихээр оруулж ирж хэрэглэж байгаатай холбоотой юм байна. Тиймээс Шайд групп 2013 онд МУ-ын зах зээлийн өнөөгийн нөхцөл байдлыг судлан үзэж МЦХҮХолбооны зөвлөгөө, үйлдвэрлэгчдийн санал болон бодит байдалд тулгуурлан зөвхөн МУ-ын цаг агарын нөхцөл байдалд тохируулан шинэ материалыг үйлдэрлэж байгаагаа дурьдан материалыг оролцогчидод танилцууллаа. Энэхүү материал нь 2014 оны 6 сарын ихээр манай улсад нийлүүлэгдэж эхлэх юм байна. Тиймээс барилгын цонхны чанарыг унгаж байгаа нэг хүчин зүйл нь чанар стандартын шаардлага хангахгй импортын материал гэдэг нь тодорхой болж байх шиг ...
БНХАУ-ын Паркер компанийн Монгол дахь экспорт хариуцсан менежер Петер
        БНХАУ-ын Паркер компанийн тоног төхөөрөмж харьцангуй төмөр сайтай тоног төхөөрөмж гэдгээр нь манай улсын үйлдвэрлэгчид нилээдгүй хэрэглэдэг юм байна. Энэ удаа Паркер компани үйлдэрлэгчдэд зориулан тоног төхөөрөмжийн зааварчилгааг Монгол хэл дээр болгон үйлдвэрлэж байгаа ба ашиглалтын зааварчилгаа, тээвэрлэлтийн талаар мэдээлэл тавьж оролцлоо.





Турк улсын Кабан брэндийн экспортын менежер Омер.
       1986 оноос хойш өнөөдрийг хүртэл дэлхий нийтэд бүтээгдэхүүн үйлчилгээгээ нийлүүлж буй Кабан компаний тоног төхөөрөмжийг үйлдвэрлэгчид мэддэг юм байна. Тэр утгаараа манай улсад шууд борлуулалт хийж байгаа талаар мэдээлэл тавьж бараа үйлчилгээнийхээ талаар танилцуулгаа хуран цугласан олонд танилцууллаа.


Эвт ХХК-ны менежер
        Эвт компани нь манай улсын цонх хаалганы үйлдвэрлэлийн анхдагчдын нэг ба байгууллагдсан цагаасаа хойш Герман чанарыг онцлон бүтээгдэхүүн үйлчилгээгээ нийлүүлж ирсэн. Тэр утгаараа өнөөдөр Герман улсан Winкhaus брэндын нугас түгжээ, KBE брэндийн хуванцар бэлдэцийг дотоодын зах зээлд хямдралтай үнээр нийлүүлж барилгын цонхны чанарыг сайжруулах зорилттой хамтран ажиллах талаар үйлдвэрлэгчдыг уриалж байгаа юм байна.
Мөн манай улс дотооддоо цонх хаалганы үндсэн материал болох PROPECTIN брэндийн хуванцар бэлдэцийг үйлдвэрлэж эхэлсэн ба үйлдвэрлэгчид ам сайтай байгааг онцолж байсан. PROPECTIN брэнд зах зээлд танигдаад даруй 2 жил өнгөрсөн ба нилээдгүй олон нийт орон сууцны барилгын цонхны чанарыг тодорхойлцож байгаа юм байна.
       Түүнчлэн дотоодын зах зээлд чанартай сайн материал нийлүүлэгч ААН-с дурьдлаа. “Үлэмж” ХХК Австари  улсын Масо брэндийн нугас түгжээ, “Алтан ус” ХХК European Authorized test institute– с олгосон CERTIFICATION CE EN 14351-1 чанарын стандартаар баталгааждаг CE сертификаттай Италийн GIESSE брэндийн хөнгөн цагаан хаалга цонхны тоноглол, туслах хэрэгслийг албан ёсны борлуулах эрхтэйгээр нийлүүлж байгааг дурьдаж байлаа.
        Зөвлөлдөх уулзалт хуран цугларсан олонд цаг үеэ олсон хэрэгтэй мэдээ мэдээллийг хүргэсэнд оролцогчид ам сайтай байлаа.