Төв цэвэрлэх байгууламж зогсоход хүрээд байна
Төв цэвэрлэх байгууламж 1969 онд байгуулагдсан. Өнөөдрийн байдлаар хоногт 160 куб метр усыг хүлээн авч 70-75 хувиар цэвэршүүлэн Туул голд нийлүүлж байна. 1976, 1986 онуудад технологийн өргөтгөл хийснээс хойш өдийг хүртэл дорвитой засвар шинэчлэл хийгээгүй. Энэ хугацаанд гадаадын олон төсөл хөтөлбөр хэрэгжиж, төслийн хүрээнд бага сага засвар хийж ирсэн ч эрээвэр хураавар тоног төхөөрөмж бүхий цэвэрлэх байгууламж жил хагасын дараагаас ачааллаа дийлэхгүй зогсоход хүрээд байна. Тиймээс шинээр цэвэрлэх байгууламж барих хүсэлтийг байгууллагын зүгээс холбогдох газруудад тавьсаар байгаа гэнэ.
Одоогийн байдлаар тус байгууламжид 8,5 тэрбум төгрөгийн төсөвт өртөгтэй 10 ширхэг хиймэл нуур байгуулах ажил хийгдэж байна. Ингэснээр төв цэвэрлэхэд ирж буй бохирыг байгалийн аргаар цэвэрлэж, цэвэрлэгээ хийгдсэн усыг хэт ягаан туяагаар халдваргүйжүүлэн Туул голд нийлүүлэх гэнэ.
Гэвч энэ мэтээр өнөө маргаашаа аргацаасан арга хэмжээ авч буй боловч дорвитой шинэчлэл хэрэгтэй гэж Төв цэвэрлэх байгууламжийн инженер техникийн ажилтнууд хэлж байна. Нийслэлд гэр хорооллын дахин төлөвлөлт, орон сууцжуулах дэд хөтөлбөр зэргээр барилгажилт эрчимжиж буй энэ цагт цэвэрлэх байгууламжийн ачаалал улам бүр нэмэгдэх нь гарцаагүй. Дээрээс нь ноос ноолуур, арьс шир боловсруулах, мах, сүүний үйлдвэр, машин угаалгын газруудаас асар их бохирдолтой ус ирдэг. Гэтэл хажуудаа урьдчилан цэвэрлэх байгууламжтай үйлдвэр гарын таван хуруунд багтана. Тиймээс холбогдох яам, хот, мэргэжлийн хяналтын байгууллага хамтран дорвитой арга хэмжээ авах шаардлага тулгараад байгаа. Усны бохирдлын түвшин нэмэгдэх тусам цэвэршүүлэх шаардлагатай усны хэмжээг багасгах хэрэгтэй болдог юм билээ. Тэгэхээр хоногт цэвэршүүлэх усны хэмжээ багасаж, тэр хэмжээгээр бохирдол өндөртэй ус Туул голд цутгана гэсэн үг.
Саяхан Барилга, хот байгуулалтын сайд Ц.Баярсайхан Төв цэвэрлэх байгууламжийн үйл ажиллагаатай танилцах үедээ аль болох хурдан хугацаанд шинэ байгууламж барих ажлыг хэрэгжүүлэхийн тулд олон улсын нээлттэй тендерээр зураг, гүйцэтгэлийг хамтад нь зарлаж, шийдэхээ амласан байна.
Жич: Төв цэвэрлэх байгууламжийн талаарх дэлгэрэнгүй сурвалжлагыг Барилга.МН сэтгүүлийн 6-р сарын дугаараас унших боломжтой.
Одоогийн байдлаар тус байгууламжид 8,5 тэрбум төгрөгийн төсөвт өртөгтэй 10 ширхэг хиймэл нуур байгуулах ажил хийгдэж байна. Ингэснээр төв цэвэрлэхэд ирж буй бохирыг байгалийн аргаар цэвэрлэж, цэвэрлэгээ хийгдсэн усыг хэт ягаан туяагаар халдваргүйжүүлэн Туул голд нийлүүлэх гэнэ.
Гэвч энэ мэтээр өнөө маргаашаа аргацаасан арга хэмжээ авч буй боловч дорвитой шинэчлэл хэрэгтэй гэж Төв цэвэрлэх байгууламжийн инженер техникийн ажилтнууд хэлж байна. Нийслэлд гэр хорооллын дахин төлөвлөлт, орон сууцжуулах дэд хөтөлбөр зэргээр барилгажилт эрчимжиж буй энэ цагт цэвэрлэх байгууламжийн ачаалал улам бүр нэмэгдэх нь гарцаагүй. Дээрээс нь ноос ноолуур, арьс шир боловсруулах, мах, сүүний үйлдвэр, машин угаалгын газруудаас асар их бохирдолтой ус ирдэг. Гэтэл хажуудаа урьдчилан цэвэрлэх байгууламжтай үйлдвэр гарын таван хуруунд багтана. Тиймээс холбогдох яам, хот, мэргэжлийн хяналтын байгууллага хамтран дорвитой арга хэмжээ авах шаардлага тулгараад байгаа. Усны бохирдлын түвшин нэмэгдэх тусам цэвэршүүлэх шаардлагатай усны хэмжээг багасгах хэрэгтэй болдог юм билээ. Тэгэхээр хоногт цэвэршүүлэх усны хэмжээ багасаж, тэр хэмжээгээр бохирдол өндөртэй ус Туул голд цутгана гэсэн үг.
Саяхан Барилга, хот байгуулалтын сайд Ц.Баярсайхан Төв цэвэрлэх байгууламжийн үйл ажиллагаатай танилцах үедээ аль болох хурдан хугацаанд шинэ байгууламж барих ажлыг хэрэгжүүлэхийн тулд олон улсын нээлттэй тендерээр зураг, гүйцэтгэлийг хамтад нь зарлаж, шийдэхээ амласан байна.
Жич: Төв цэвэрлэх байгууламжийн талаарх дэлгэрэнгүй сурвалжлагыг Барилга.МН сэтгүүлийн 6-р сарын дугаараас унших боломжтой.
Ахуйн бохир ус хүлээн авах дамжлага
Тоног төхөөрөмж, байшин барилга нь хэдийн хуучирч муудсан
Усыг байгалийн аргаар цэвэршүүлж буй байдал
Усан санд тунасан том хэмжээний бохирдлыг гараар цэвэрлэдэг
