Төвийн бүсийн тулгуур төв, Төв аймгийн Зуунмод хотын хөгжлийн ерөнхий төлөвлөгөөг  "Хот төлөвлөлтийн хүрээлэн" ХХК, Герман Улсын "RSAA" компанитай хамтран боловсруулжээ. Төв аймгийн хөгжлийн гарц хамтын ажиллагааг Шинэ Зуунмод хот, Шинэ нисэх буудлын төсөл, Эх газрын боомт, эдийн засгийн нээлттэй бүс, Майдар эко сити, Улаанбаатар  дагуул хот гэдэг байдлаар тодорхойлж байна. Төв аймагт 1000 айлын орон сууц хөтөлбөр эхэлж, барилга, угсралтын "Бүти" компани орон сууцны хороолол барьж эхлүүлээд байна. Тэгвэл бид энэ удаагийхаа ярилцлагын булангаар төв аймагт баригдаж буй 1000 айлын орон сууцны бүтээн байгуулалтыг ахлан ажилж буй төслийн удирдагч Түвшинбаатартай ярилцаж,  ажилтай нь танилцаад ирлээ.

    М. Түвшинбаатар “ 1000 айлын Манзушир өргөө хорооллын”  төслийн удирдагч



-  Аймаг бүрт 1000 айлын орон сууц төслийн хүрээнд баригдаж буй цогцолбор хороололыхоо талаар мэдээлэл өгөхгүй юу?

Манзушир өргөө 1000 айлын орон сууцны хороолол  нь  төв аймгийн Зуунмод сумын 1-р багын нутаг дээр баригдаж буй хороолол юм. Ноднин 10 сард сууриа тавиад одоогийн байдлаар 96 айлын 4 болок бүхий орон сууц эхний ээлжинд ашиглалтанд ороход бэлэн болж байна. Дулааны гадна дотно монтаж хийгдээд дууссан одоо холболтын ажил үлдсэн.
Эхний ээлжийн барилга дулааны асуудлаа шийдчүүл 10 сард ашиглалтанд орохоор төлөвлөж байна.  Аймгийн төрийн албан хаагчидад эхний 70 айлын орон сууцыг  мкв- нь хамгийн боломжит нөхцөлийг  харгалзан үзэж  980000 мянган төгрөгөөр өгөх юм. 
- Дэд бүтцийн асуудал хүндрэлтэй ийм алслагдмал бүсэд ажил эхлүүлэхэд хүндрэлтэй тал гарсануу?

Хүндрэлтэй тал гараагүй аймаг орон нутагаас бидний ажлыг дэмжиж тусалдаг , манай компани 100% өөрийн хөрөнгөөр барьж байгаа учираас иргэд болоод аймгийн удирдлагууд маш их дэмжиж манай аймагт энэ том бүтээн байгуулалтын ажил явагдаж байгаад баяртай байна гэдгээ иргэд болоод удирдлагууд ам сайтай байгаа.  Дэд бүтцийн хувьд  дулааны гадна дотно монтажны ажил дуусаж,  холболтын ажилууд  хийгдэж байна. Гадна талын дэд бүтцийн ажлыг тендэрийн дагуу шалгарсан компаниуд хийж гүйцэтгэж байгаа.  Ноднин 10 сард сууриа тавьсан.

-  Энд нийт хичнээн ажилчид бүтээн байгулалтын ажилд гар бие оролцож байна вэ?  
Угсралтан дээр 120 иод хүн ажил гүйцэтгэж, дотор засал өрлөг, гадна фассад  шавардлагын  ажил дээр нийт 163 хүн ажиллаж байна.

 - Сүүлийн үед осол гэмтэл гарах нь ихэссэн танай ажилчидын хувьд хөдөлмөрийн аюулгүй ажиллагааг хэрхэн хангаж ажиллаж байна.
За манай ажилчид тогтмол ХАБ-ын сургалтанд хамрагддаг. Манай компанийн хувьд өөрийн ажилчидаа ажиллуулах сонирхолтой байдаг учираас бид гэрээт ажилчидыг авахаасаа илүүтэйгээр өөрийн ажилчидаа ажиллуулах сонирхолтой байдаг. Ингэснээрээ сүүлийн үед гараад байгаа осолын нэг шалтгаан нь ХАБ-ын талаар ямарч ойлголтгүй гэрээт ажилчидыг авч ажиллуулах тэдэнд зааварчилгаа зөвөлгөө өгөх мэргэжлийн инженер мэдлэг дутмаг зэргээс үүдэн осол гэмтэл гардаг.  Манай ажилчид ажлын талбар дээр стандартын дагуу каск өмсгөлөө өмсөж хянуур байж  аюулгүй ажиллагааг дээд зэргээр хангаж ажилладаг. Анх манай компанид орж ирсэн хэн боловч хөдөлмөрийн аюулгүй ажиллагааны сургалтанд хамрагдаж байж ажлын талбарт гардаг. Миний хувьд өглөө ажилдаа ирж байгаа ажилчид маань ард хүлээж байгаа ар гэрийхэн үр хүүхэддээ эрүүл саруул элэг бүтэн ажилаа дуусгаад орой ажлаа дуусгах нь тэр өдрийн бас нэг том даваа гэж үздэг. Мэдээж осол гэмтэл барилгын талбарт гарахгүй байна гэж байхгүй их бага хэмжээгээр гарчил байдаг , иймд энэ салбарт ажиллаж буй хүн бүр хөдөлмөрийн аюулгүй ажиллагааны хариуцлагыг ухамсарлах нь хамгийн зөв алхам юм. Манай компани нийт ажилчидаа бодь даатгалд   даатгуулдаг нь олон улсын жишигийн дагуу үйл ажиллагаагаа явуулж байна.
- Барилгачин хүн өөрөө түүхийг үргэлж бүтээж байдаг нэгэн.  Шинэ хотын түүхийг бүтээлцэж байгаагын хувьд таны сэтгэгдэл ямар байна вэ?

Барилга бол өөрөө маш гоё ажил эхнээс нь сууриас нь эхлээд бүгдийг нь хийж байхад эхэндээ маш хариуцлагатай түгшүүр дагадаг.  Барилга дуусах мөчид энэ бүхнийг хамтын хүчээр бүтээн байгуулсанд ажилчидаараа болон энэ мэргэжилээрээ өөрийн эрхгүй бахархах сэтгэл төрдөг. Сэтгэлээ шингээн барьсан барилга чанартай урт настай болж өгдөг, манай ажилчид ч мөн ажлыг чин сэтгэлээсээ хийх чанарыг эрхэмлэдэг хамт  олон.
Манай компанийн ажилчид өөрсдөө бас энэ хороололдоо амьдрах хүсэлтэй байгаа. Төв аймагт хурдны зам тавигдчихвал хоттой ойрхон, утаанаас хол, агаар сайхан , цаашдаа Улаанбаатар хотын дагуул хот болон хөгжих бүрэн боломжтой тул ажилчид маань эндээ суурьших сонирхол их байгаа.
- Ярилцлага өгч бүтээн байгуулалтын ажилтайгаа танилцуулсан таньд болон нийт хамт олонд тань баярлалаа. Шинэ хотын шинэ түүхийг бүтээлцэж байгаа танай хамт олонд өндрөөс өндөр амжилт хүсье. Баярлалаа

Маш их баярлалаа биднийг ажлыг үргэлж дэмжиж байдаг танай хамт олонд амжилт хүсье.

                                                             Бүти ХХК инженерүүд


                            Төв аймгийн 1000 айлын орон сууцны эхний 96 айлын барилга



                                            Төв аймгийн 1000 айлын орон сууцны суурийн цутгалт