Шинэчлэлийн Засгийн газрын Шинэ бүтээн байгуулалт дунд хугацааны зорилтот хөтөлбөрийн хүрээнд "Аймаг бүрт 1000 айл" орон сууцны хөтөлбөрийг Төрийн орон сууцны корпораци хэрэгжүүлж эхлээд байна. “Аймаг бүрт 1000 айл” орон сууцны хөтөлбөр Архангай аймгаас эхэлж, нээлтээ хийжээ. Тус төсөл хөтөлбөрийн хүрээнд Төрийн орон сууцны корпорацийн захиалгаар Архангай аймгийн Эрдэнэбулган суманд баригдаж буй эхний ээлжийн 120 айлын орон сууцны барилгын барилга угсралтын ажлыг “Хасү мандал трейд” ХХК компани гүйцэтгэж байгаа бөгөөд барилга угсралтын ажил нь 25-35 хувийн гүйцэтгэлтэй байна.

“Аймаг бүрт 1000 айл” орон сууц хөтөлбөрийн хүрээнд Дархан, Сэлэнгэ, Архангай, Увс Хэнтий аймгуудад барилга угсралтын ажлууд эхлэн явагдаж байгаа аж. Цаашид Орхон, Хөвсгөл, Дорнод, Ховд аймгуудад уг хөтөлбөр хэрэгжих юм байна.