Бага зайтай гал тогооны өрөөний дизайн шийдлүүд №02
Хананд ил тавиур байрлуулах
Хэрв таны гал тогооны өрөө зай талбай багатай бол хэрэгслийг үргэлжилсэн байдлаар эсхүл ил тавиур дээр байрлуулж өгснөөр хэрэглэхэд амар гарт тань ойр байх болно. Ингэж тоног төхөөрөмжүүд болон аяга тавгаа ил тавиур дээр чөлөөтэй өрж байрлуулснаар таны гал тогооны өрөө шинэлэг өнгө төрхтэй харагдана.
Хананыхаа үргэлжилсэн зайнд ил тавиурыг хийж дээр нь шил сав, аяга таваг, бусад эд хэрэгслээ зохион байгуулалттай байрлуулснаар танд эерэг нөлөө үзүүлэх болно. Ил тавиурын өнгө нь таны гал тогооны хэрэгслийн өнгөтэй зохицож байх нь тааламжтай харагдах болно.
Өдөр тутам та гал тогооны өрөөгөөр орох учраас ил тавиурынхаа ар талаар өөрийн гарын үсгийг эсвэл уран зураг болон сийлбэртэйгээр хавтангуудаар чимж өгвөл харагдах байдал нь илүү донжтой болгож өгнө.
Ил тавиур нь шил эсвэл модоор хийгдсэн байвал хэрэглэхэд тохиромтой байдаг. Учир нь эдгээр тавиуруд нь байгальд ээлтэйгээс гадна олон төрөл байдаг. Чанартай, өнгө үзэмж сайтай байдгаараа IKEA брэндийн модон тавируд нь олонд таашагддаг. Харахад энгийн боловч орчин үеийн хэлбэртэй.
Галын өрөөний тань бүх орон зай нэг цайвар өнгийг оруулж өгвөл аятайхан байдаг. Тухайлбал цахилгаан хэрэгсэл, шалны хулдаас тоног төхөөрөмжүүд нь цайвар өнгө ашиглавал их зүгээр байдаг. Хэрэв та ханын шүүгээгээ таазандаа хүргэх гэж байгаа бол таазны хүрээ тэй чинь тэгш байх учиртайг мартуузай.
