Барилгын материалын бас нэгэн үйлдвэр өнөөдөр нээлтээ хийлээ. “Дорнын цас” нэртэй энэхүү үйлдвэр хийт, хөнгөн бетон үйлдвэрлэх бөгөөд дотоодын хөнгөн бетон блокны салбарт дэвшил гаргахаар зорьж байгаа юм.  Хийт хөнгөн бетон нь барилгын  ханын дүүргэлт, дулаалгад зориулагдсан хүний эрүүл мэндэд хор нөлөөгүй материалын нэг юм. “Дорнын цас” ХХК ердөө нэг жилийн дотор энэхүү үйлдвэрийг байгуулж, ирэх жилээс жилд 250 мянган куб метр буюу хийт хөнгөн бетоны дотоодын хэрэгцээний 30 хувийг дангаараа хангахаар болж байна. Үйлдвэрийн нээлтэнд Ерөнхий сайд Н.Алтанхуяг, Барилга хот байгуулалтын сайд Ц.Баярсайхан нар оролцсон юм.