Монгол хүний оюуны чадавхийг дэлхийд гайхуулсан төрөл бүрийн оньсон тоглоом, оньсон болон сийлбэртэй шатар, уран зураг зэрэг 11 мянга орчим үзмэртэй “Оюун Ухааны Олон Улсын Музей” өөрийн дэргэдээ хүүхдийн цэцэрлэгтэй болоод багагүй хугацааг үджээ. “Оньсхон” нэртэй энэхүү цэцэрлэг нь байгуулагдсан цагаас сургуулийн өмнөх боловсролын салбарт амжилттай үйл ажиллагаа явуулж 2011 онд Нийслэлийн Боловсролын газраас Нийслэлийн хувийн хэвшлийн Шилдэг цэцэрлэгээр шалгарч байсан билээ. Түүнчлэн эцэг эхчүүдийн саналаар 2 дахь салбараа нээсэн бөгөөд   цэцэрлэгүүдийн гол онцлог нь СӨБ-ийн стандартаас гадна Монгол үндэсний 15 төрөл хэлбэрийн оюуны тоглоом наадгайг хүүхдийн сэтгэн бодох чадварыг хөгжүүлдэг бусад төрлийн сонгодог арга зүйтэй хослуулан заадаг явдал юм. Энэхүү цэцэрлэгийн анхны хүүхдүүд сургуулийн насанд хүрч эхлэх үеэс мөн л эцэг эхчүүдийн хүсэлтээр  “Оюуны оньс” бүрэн дунд сургуулийг нээн ажиллуулах зайлшгүй шаардлага тулгарсан байна. “Оюуны оньс” сургууулийн анги бүр сэтгэхүй хөгжүүлэх, ой тогтоолт, гадаад хэлний гүнзгийрүүлсэн хөтөлбөрөөр хичээллэхээс гадна хичээлээс гадуур оньсон тоглоом, шатар даам, ой тогтоолт, морин хуур, төгөлдөр хуур, бүжиг, математик, гадаад хэлний дугуйланд  2-р улирлаас эхлэн үнэ төлбөргүй хамрагдах боломжтой.
“Оюуны оньс” бүрэн дунд сургуулийн сэтгэхүй хөгжүүлэх IQ хичээл сургалт нь музейн сүүлийн 25 жилийн хугацаанд бүтээсэн 11 мянга гаруй сэтгэхүй хөгжүүлэх тоглоом, наадгайг хүүхдийн сэтгэн бодох чадварыг хөгжүүлдэг ой тогтоолт, цээж бодолт, шатар даам, тархины дасгалуудтай хослуулсан тусгайлан боловсруулсан сургалтын хөтөлбөрийн дагуу явуулдагаараа  онцлог юм.
Сургуулийн хаяг:  Улаанбаатар хот, Баянзүрх дүүрэг 15 -р хороо    13-р хороолол-2, Энх тайваны өргөн чөлөө - 10/1 дугаар бүхий барилга /Оюун Ухааны Олон Улсын музейн залгаа барилга/.
Утас: 70008881, 70158878, 461470, 99105988, 99088954, 99590636