Монголчууд бид амьдарч буй гэр орноо тохижуулахдаа мэргэжлийн дизайны байгууллагад төдийлөн ханддаггүйгээс өөрсдийн санаанд тохирсон тохижилтыг олж авч чадахгүй байх нь элбэг.
 Одоогоор энэ чиглэлийн мэргэжлийн байгууллага, хүмүүст хандахад үнэ хөлс ихтэй  байгааг харгалзан үзэж айл гэр, албан тасалгаа, олон нийтийн газрын дотоод засал чимэглэлийн санаа авахуйц олон бүтээлүүдийг нэгтгэсэн “Интерьер дизайн”  сэтгүүлийн 2 дахь дугаарыг уншигч таны гар дээр өргөн барьж байна.
“Интерьер дизайн” сэтгүүл нь гадаадын сонин, сэтгүүл, цахим хуудсуудаас хуулбарлахаас зайлсхийн дотоодын интерьер дизайны компани, энэ чиглэлээр бизнес эрхлэдэг хувь хүмүүсийн амьдралд биелэлээ олж чадсан бүтээлүүдээс сорчлон та бүхэндээ танилцуулж байгаа юм.


 Хамгийн чухал нь таны санаанд нийцсэн загвар хийц уг сэтгүүлд байвал зүгээр зургийг нь хараад өнгөрөх бус гүйцэтгэгч компанид хандаж болох төдийгүй зөвлөгөө мэдээлэл авч болохоороо давуу талтай.

Тухайлбал интерьерийн зураг төсөл гэж юу болох, тэр нь хүний зан байдалд хэрхэн нөлөөлдөг, өнгийг хэрхэн сонгох зэрэг зайлшгүй хэрэгцээт мэдээлэл авахаас гадна хаусны дотоод засал, албан тасалгаа, олон нийтийн газрын загваруудтай танилцах боломжтой.

Мөн зочны өрөө, унтлагын, хүүхдийн, галын өрөө гэх зэргээр өрөө тасалгааны дотоод заслыг нэг бүрчлэн  танилцуулж фэнг шүйгийн зөвлөгөөг ч хамтад нь бэлдлээ.


 Дотоодынхоо үйлдвэрлэгч нарыг бид өөр өөрсдийн хэмжээнд дэмжих нь эх орны төлөө хийж буй бага боловч тус хэмээн ойлгодог. Бид энэхүү сэтгүүлдээ үндэсний интерьер дизайны бүтээлийг сонгож, тэдний хийц бүтээцийг олонд таниулах, манай дизайнерууд юу хийж чадаж байгааг сурталчилан таниулж байгаа юм.
Эрхэм уншигч таныг ч бас үндэсний үйлдвэрлэлээ дэмжинэ гэдэгт итгэж байна. 
“Интерьер дизайн”  сэтгүүл “Барилга.МН” сэтгүүлийн редакци, номын дэлгүүрүүд болон  “Номин”, “Макс”-ын сүлжээ дэлгүүрүүдээр борлуулагдаж байна.

 
Холбоо барих утас: 91000222, 91000233, 70113333