Манай улсын 1000 гаруй настай ганцхан барилга байгууламж бол Хэрлэн бар юм.
Монгол угсааны Хяданчуудын барьж үлдээсэн цэргийн цайз Хэрлэн Барс хот нь эдүгээ Дорнод аймгийн Цагаан Овоо сумын нутагт оршдог. Тус барилгыг улсаас ч, орон нутгаас ч төсөв гаргаж сэргээн засдаггүй, зүгээр л хайс хашаагаар хамгаалдаг.
Сүүлийн үед тэндээс хөх тоосгыг нь хятад иргэд эмтэлж аваад байгаа сурагтай. Уг нь Хэрлэн бар хот нь 2 хэрэмтэй байсныг 1930-аад онд нурааж, малын хашаа хийсэн нь тун чиг харамсалтай хэрэг юм.