Барилгын салбарт шинээр нэвтэрч буй материал болон тохилог орон сууцуудыг олонд таниулж байдаг "Барилга орон сууц -2014" үзэсгэлэн Мишээл Экспо төв дээр 3 дахь өдөртөө олны хөлд дарагдан амжилттай явагдаж байна. Монгол улсад барилгын салбар үүсч хөгжсний 88 жилийн ойд зориулан болж буй тус үзэсгэлэнд оролцож буй аж ахуйн нэгжүүдийн төлөөлөл болон сонирхогч иргэдийн сэтгэгдлийг уншигч та бүхэнд хүргэж байна.






               

                                       Баянгол дүргийн иргэн Д.Лхагва
- Орон сууц сонирхож байгаа бололтой, сонирхож буй орон сууц тань байна уу? 
Би залуу гэр бүл хүний хувьд 70 сая төгргөнд багтаагаад 2 өрөө байр сонирхоод явж байна. Яг  санаанд таарсан байрны метр квдратын үнэ нь их юм. Яг бэлэн 100 хувь ашиглалтанд орчихсон орон сууц их ховор харагдаж байна. Ихэвчлэн урьдчилан захиалга авч байгаа барилгын компаниуд оролцож байгаа харагдана. 
- Иймэрхүү үзэсгэлэнг зохион байгуулагдаж байгаа нь өөрт тань ач холбогдолтой байж чадаж байна уу? 
Мэдээж хэрэг ач холбогдолтой байлгүй яахав. Хүмүүс ажил төрөл ихтэй болохоор гадуур тэр болгон байр орон сууцны үнэ ханш сонирхоод байх зав чөлөө багатай байдаг болохоор амралтын өдрүүдэд ийм төрлийн үзэсгэлэн зохион байгуулагдснаар иргэд бидэнд нэг дороос олон төрлийн сонголттой орон сууцнуудаас сонголт хийх боломж бүрдэж өгч байна. 
-------------------------                        ------------------------------                                ----------------------------                           ---------------
 Тус үзэсгэлэнд дан ганц орон сууц гэлтгүй барилгын материал, техник тоног төхөөрөмж ханган нийлүүлэгч аж ахуйн нэгжүүд хослон оролцож байгаагаар онцлогтой. Тус үзэсэгэлэнд оролцож буй орон сууц болон амины орон сууцны байрны дотоод засал чимэглэл хийдэг аж ахуйн нэгжийн төлөөлөл болгож "Валиант Арт" ХХК-ны худалдааны төлөөлөгчтэй цөөн хором уулзсан юм. 

                      
                                   "Валиант Арт" интерьэрийн компаний худалдааны төлөөлөгч Б.Баярхүү


- Үзэсгэлэнгийн хөл хөдөлгөөн ихтэй байна. Танайхыг олон хүн сонирхож байгаа харагдлаа. Анх удаа энэхүү үзэсгэлэнд оролцож байна уу? 
Тийм ээ бид анх удаагаа энэ үзэсгэлэнд оролцож байна. Олон хүн манай үйл ажиллагааг сонирхож биднээр үйлчлүүлэх хүсэлтэй байлаа. Яг манайхаар хийлгэе гэсэн захиалга одоогоор ирээгүй байгаа хэдий ч эргээд холбогдож байгаад илүү дэлгэрэнгүй мэдээлэл авч манайхаар үйлчлүүлэх хүсэлтэй олон иргэдэд бид танилцуулгаа өгөөд дуусаж байна. Эндээс харахад үзэсгэлэнд оролцсноороо олон хүнд бид өөрсдийн компанийн үйл ажиллагаа бараа материалаа сурталчилж чадаж байна. 
 Бид үйлчлүүлэгчийнхээ хүссэн хэлбэр дизайныг чанарын өндөр түвшинд хийж гүйцэтгэдэг. Манай бүх хананы цаас баруун орнуудын чанарын шаардлага хангасан чанартай гэдгийг энэ дашрамд хэлье.  

                     

------------------------                             --------------------------                      ----------------------------                          ------------------
  
"Барилга орон сууц 2014" үзэсгэлэн 7 дахь жилдээ зохион байгуулагдаж байгаа бөгөөд энэ удаагийн үзэсгэлэнд анх удаа оролцож байгаа "ERIN international" ХХК-ны борлуулалтын менежер Б.Ундрахбаяртай цөөн хором ярилцлаа. 

                     
 
- Хүмүүс танай талбай дээр их очиж байгаа харагдлаа. Танай орон сууцнууд хотын аль хэсэгт баригдаж байгаа вэ? 
Манай саяхнаас орон сууцнуудынхаа мэдээлэл рекламыг цацаж эхэлэж байгаа. Үзэсгэлэнд анх удаагаа оролцож байна. Манай "Эрин хороолол" 1 дүээр хорооллын Өнөр хотхоны баруун урд талд Хархорин захын урд баригдаж байгаа. 2104-2016 оныг хүртэл нийтдээ 12 давхар 12 ширхэг блок бүхий 2000 гаруй айлын цогцолбор хороололыг бүтээн байгуулах юм. Эхний ээлжийн 550 айлын 4 байр 2014 оны 4 дүгээр улиралд ашиглалтанд өгөхөөр төлөвлөгдөөд захиалга авч байна. 
- Танайхаас байр захиалбал ямар нэгэн урамшуулал бий юу? 
Бидний бэлдэж ирсэн танилцуулга дууссан. Манай зүгээс барйныхаа урьдчилгаа мөнгийг 50-100 төлсөн тохиолдолд 3-8%-ийн хөнгөлөлт олгож байгаа. Тэгэхээр энэ үзэсгэлэнд оролцсноор олон хүн манай "Эрин хороолол"-ын мэдээллийг авч байна гэсэн үг.  Үзэсгэлэнд оролцсондоо би хувьдаа сэтгэл хангалуун байгаа. 


                     
                                                              "Эрин хороолол"-ын харагдах байдал 


 -------------------------                          ------------------------------                           ----------------------------                              ---------
Тус үзэсгэлэнгийн ерөнхий ивээн тэтгэгчээр оролцож буй "Империал Кастел" ХХК "Агниста" хотхоноо үзэсгэлэнд оролцулж байгаа. Тус комданийн зүгээс үзэсгэлэн сонрихон ирсэн иргэдийн зориулан урлагийн тоглолт үзүүлж, асуулт хотхоныхоо талаар асуулт хариултын тэмцээн явуулж, гарын бэлэг болон "Амирикан стандарт" брэндийн гэр ахуйн тоноглоллоор шагнаж урамшуулж байлаа. 

                    
                                                                 "Монгол эгшиглэн" хамтлаг


                   

                "Барилга Орон Сууц 2014" үзэсгэлэнгийн ивээн тэтгэгч "Империал Кастел" компанийн асуулт, хариултын тэмцээний үеэр

------------------------------                      -------------------------------                      --------------------------------                           ----------

Мөн  "Хийморь Түшээ" ХХК үзэсгэлэнг сонирхогчдын дунд дардасын тэмцээн зохион байгуулж, авсан онооныхоо тоогоор "Хан Түшээ" хотхоны орон сууцны захиалгын үнийн дүнгээс хасагдах байдлаар авах боломж олгож байлаа.  Гурван су шидээд хамгийн дээд оноог авч чадсан тохиолдолд "Хан түшээ" хотхоны байрнуудаас захиалсан тохиолдолд 10,000,000 төгрөгийн хөнгөлөлт эдлэх боломж олгож байсан юм. 


                    
                                                  Иргэд дардас шидэж оноо цуглуулж байна
                    
                    

                   
                                                              "Хан түшээ" хотхоны макет

                   
                   Хотхоныхоо танилцуулгын хамт дардас шидээд авсан онооны дагуу хөнгөлөлтийн эрх олгож байна

 Иргэдийн шууд 100 хувь мөнгөө төлөөд орон сууцтай болох боломж хомс байдаг. Тиймээс банкны зээлэнд хамрагдах хэрэгтэй болдог. Тэгвэл энэ удаагийн үзэсгэлэнд 8% зээлэнд хэрхэн хамрагдаж болох зөвлөгөөг "Голомт банк" өгч байлаа. 
                  
                   
                                      8 хувийн зээлд хамрагдах нөхцөлүүдийг "Голомт банк" танилцуулж байлаа