“Барилга-Орон сууц” үзэсгэлэн хямд үнийг мэдрүүлнэ
Монгол улсад барилгын салбар үүсч хөгжсөний 88 жилийн ойн баярыг тохиолдуулан зохион байгуулагдаж буй томоохон үйл ажиллагааны нэг болох “Барилга-Орон сууц” үзэсгэлэн яармаг уламжлал ёсоор 9-р сарын 5-7-ны өдрүүдэд “Мишээл экспо” төвд зохиогдохоор бэлтгэл ажлаа хангаад байна. Үзэсгэлэнгийн үеэр иргэдэд барьж буй томоохон бэлэг бол орон сууцны хямдрал урамшуулалтай худалдаа юм. Энэ жилийн үзэсгэлэнд олон компаниуд хямдрал урамшуулал зарласнаас цухас дурьдвал:
- “Улаанбаатар пропертийз” ХХК-ийн “X Apartment" залуусын хотхоноос орон сууц захиалахдаа төлбөрөө 100% төлвөл мкв тутамд 100.000 төгрөг хөнгөлөх төдийгүй нэмэлтээр гал тогооны тавилга мөн гарын бэлэг өгөх гэнэ.
- “Алтай констракшн” ХХК-ийн "Саруул" хороолол нь барилгачдын баяр болон хурим найрын сарыг тохиолдуулан 3-12 сая төгрөгийн хөнгөлөлт үзүүлэхээр бэлджээ.
- “Хурд групп” ХХК-ийн "Нарны Хороолол", "Хүннү 2222" орон сууцны хорооллоос байр захиалсан худалдан авагчдын дунд сугалаа зарлах бөгөөд хийсэн гэрээний үнийн дүнгийн 30.000.000 төгрөг тутамд 1 сугалаа олгоно. Супер азтан 2 өрөө байр, удаах 20 азтан авто машины дулаан зогсоол хожино.
- “Бэрэн мортгейж” группын "Хангай” хорооллын 3-р ээлжийн байрнаас урьдчилгаа төлбөр 10% буюу 3,800,000-7,400,000 төгрөгийг төлөөд орон сууцаа захиалах боломжтой.
- Нийслэлийн хамгийн хямд үнэтэй байр болох “Тэлмэн констракшн” ХХК-ийн "Шинэ Налайх" хороолол “Барилга-Орон сууц” үзэсгэлэнд оролцох бөгөөд М2 1.250.000 төгрөг юм.
- “Монкон групп” ХХК-ийн "Комфорт Апартмент" төсөл 1.850.000- төгрөгөөс 1.650.000 төгрөг болж хямдрахаа амлаад байна. Энэ мэт олон хямдрал урамшуулал та бүхнийг хүлээж байна.
Мөн “Барилга-орон сууц” үзэсгэлэн яармагийн үеэр бага дунд орлоготой иргэдэд зориулсан хямд үнэтэй орон сууцнуудаас гадна нийслэл хотод шинээр баригдаж буй тансаг зэрэглэлийн орон сууц, хаусуудыг танилцуулах бөгөөд дотоодын барилгын салбарт нэвтэрч байгаа дэвшилтэт техник технологи, шинэ нэр төрлийн барилгын материал, тоног төхөөрөмжүүдийг дэлгэн үзүүлнэ. Иймд иргэд, аж ахуйн нэгжүүд намрын үзэсгэлэндээ идэвхтэй оролцсоноор нийслэл хотод шинээр баригдаж буй барилга орон сууцны компаниудтай нэгэн дор биечлэн танилцаж, бодит өргөн мэдээлэл авч, өөрийн цагийг хэмнэн, хэрэгцээ, хүсэл сонирхолдоо нийцсэн орон сууцаа сонгож авч чадна гэдэгт итгэлтэй байна.