“Номин Констракшн” компани нь  “Өнөр Эрдэнэт” төслийн хүрээнд энэ онд 220 айлын 5 давхар 3 орон сууц ашиглалтанд оруулсан бөгөөд цаашдаа энэ ажлаа үргэлжлүүлэхээр төлөвлөжээ. Сүүлийн үеийн домофон системтэй, галын аюулгүй байдлыг хангасан дохиололтой, бүрэн цутгамал “Шинэ Номин” хорооллын зураг төсөл гарчээ. ЗХУ ын үед барьж өгсөн барилгууд голдуу байдаг тус аймгийн хувьд энэ нь шинэлэг алхам болж байгаа бөгөөд иргэд ч сүүлийн үеийн хийц бүхий орон байр сонирхох болсон нь барилгын компаниудад зах зээлийг бий болгож буй юм.