Нисэх орчимд “Буянт-Ухаа 1” хорооллын  1500 орчим айлын орон сууц баригдсанаас гадна одоогоор  9 байршилд орон сууцны хороолол баригдаж байна. Нэмээд Буянт-Ухаа хороололд цэвэр усны эх үүсвэр шинээр барьсан бөгөөд гүний 20 худаг гаргаж үүнээсээ 2800 м.куб –ийн багтаамжтай 2 усан сан байгуулснаа нээлээ. Ингэснээр техникийн нөхцөл буюу дэд бүтцийн эх үүсвэргүй байсан 300 ортой төрөх эмнэлэг, Архивын Ерөнхий газар, Ахмадын эмнэлэг зэрэг  барилга байгууламжууд ашиглалтад орох боломжтой болж байгаа юм.
  Эрчим хүчний хангамжийн хувьд “Их тойруу“  гээд 110 квт-ын  шугамыг Улаанбаатар хотыг тойруулан татаж байгаа. Энэ нь алслагдсан дүүргүүдэд цахилгаан эрчим хүчийгн найдвартай түгээж буй. Мөн МҮОНТелевиз орчим, 7 дугаар хороолол, Буянт-Ухаа, Баянголын амуудад цахилгаан түгээх болон цахилгаан хуваарилах сүлжээний 100 гаруй км  шугам сүлжээ, кабелийн ажил хийгдэж байгаа аж.