Хичээл зүтгэлтэй барилгачин залуу
Он цаг улиран одож нийслэл хотыг өнгө үзэмжээрээ чимсэн барилга орон сууц сүндэрлэн боссоор л. Энэ олон барилга байшингуудыг барьсан барилгачдаар бахархах сэтгэл төрнө. Барилгачдын хамтын хүчээр л эдгээр өндөр сайхан хотхон хорооллууд сүндэрлэж, нийслэлд өнгө нэмж байна.
Энэ удаагийнхаа сурвалжлагаар барилгын салбарт ажиллаж буй эгэл жирийн нэгэн залуугийн ажил хөдөлмөр, аж амьдралынх нь талаар хүргэхээр зорилоо.
Одоогоос 8 жилийн тэртээ “Гангар Инвест” барилгын компанид туслахаар орж байж байсан энэ залууг Очирбатын Мөнхбат гэдэг. Найман хүүхэдтэй айлын тав дахь нь.
2005 онд сантехникч мэргэжлээр Политехникийн коллежийг төгссөн.
Тэрээр 2006 оноос эхлэн жил гаруйн хугацаанд туслах ажилтан хийж байх үед одоо ажиллаж буй бригад нь цөөн хүнтэй байв. Тоосго, шороо зөөхөөс авахуулаад хар бор ажлаас хөдөлмөрийн гараагаа эхэлжээ. Жилийн дараагаар сантехникийн бригадад туслахаар ажиллаж эхэлсэн гэдэг. Компанидаа ажиллах хугацаандаа мэргэжил дээшлүүлэх сургалтанд хамрагдаад авсан байна.
Түүнийг 13-р хорооллын “Ногоон төгөл” хотхоны хажууханд баригдаж буй спорт цогцолборын сантехникийн ажлыг бригадынхаа хэсэг нөхдийн хамт хийж байхад очиж уулзсан юм. Сантехникийн бригад нь 18 хүний бүрэлдэхүүнтэй бөгөөд одоогоор компанийхаа хариуцан барьж байгаа Баянгол дүүргийн нэгдсэн эмнэлэг, Нэгдүгээр эмнэлгийн өргөтгөлийн барилга, Гэр хорооллын дахин төлөвлөлтийн дагуу Улаанхуаранд баригдаж буй барилга, 13-р хороололд байрлах Ногоон төгөл хорооллын спорт цогцолбор зэрэг барилгууд дээр ажиллаж байгаа аж.
Өөрт өгөгдсөн үүрэгт ажлаа хичээнгүйлэн хийж явсаар өнөөдөр ахлах сантехникч болсон бөгөөд дараагийн ажилчдаа сургаж, сайн ажилласныг нь бригаддаа авдаг байна. Тэрээр хэлэхдээ хүн ажлыг бага гэж голохгүйгээр хичээл зүтгэлтэйгээр хийж эхэлвэл эргээд өөрт минь сайн үр дүн ирдэг гэсэн юм.
Ажлаа хийж байгаа нь ...
Энгийн гэхэд дэндүү энгийн О.Мөнхбат гэх энэ залуу хэлэхдээ, “Би барилгын салбараас суралцсаар л байна. Үхэн үхтлээ л суралцах байх” гэж даруухан загнасан. Түүнчлэн “Хийж бүтээсэн ажил минь бага ч гэлээ одоогоор мянга гаруй айлын сантехникийг шинэ барилгад суурилуулсан байна. Энэ нь орон сууцанд амьдрах айл өрхүүдийн галыг асаалцаж байна л гэсэн үг” хэмээн хэллээ.
Тэр зөвхөн өөрийгөө яриад байхыг хүссэнгүй. “Миний өдий зэрэгтэй сайн ажиллаж яваа нь сайхан хамт олонтой минь салшгүй холбоотой, барилга гэдэг олон хүний ур ухаан, хүч хөдөлмөр, нэгдмэл санаагаар бий болдог юм байна” гэлээ.
Улс оронд эдийн засгийн хямрал нүүрлэж, энэ нь барилгын салбарт нөлөөлж эхэлэх үед “Гангар Инвест” компани чадварлаг, хичээл зүтгэлтэй ажилчдаа алдчихгүйн тулд харуул манааг хүртэл ээлжээр хийлгэж байжээ.
Барилгын салбарт нөлөөлж буй бодлого, цаг үеийн байдлыг ч үл тоон энэ мэргэжилдээ мөн эзэн нь байх гэж их хичээдэг гэдгээ ч хэлээд авсан.
Хүний итгэлийг алдахгүй, хийх ёстой ажлаа цаг хугацаанд нь амжуулаад хийж байхад хүний хөдөлмөр үнэлэгддэгийн адилаар тэр компанийхаа захирлын нэрэмжит шагналыг удаа дараа авч, 2012 онд БХБЯ-ны “Хүндэт жуух бичиг” зэргээр шагнуулжээ.
Барилгын салбарт ажиллаж аж амьдралаа залгуулж байгаа болоод ч тэр үү О.Мөнхбат “Бурхан хүнийг бүтээсэн бусдыг барилгачин бүтээсэн” гэдэг үгэнд дуртай.
“Гангар Инвест”-ийн хамт олноороо бахархах цөөнгүй олон шалтгаан түүнд бий гэсэн. Нэг томоохон шалтгаан нь хань н.Мөнхчимэгтэйгээ энэ компанид ажилд ороод танилцаж, одоо хоёр хүүхдийн аав болсон. Хотоос зайдуухан байх Гачуурт тосгонд амьдардаг.
Тэр зөвхөн өөрийгөө яриад байхыг хүссэнгүй. “Миний өдий зэрэгтэй сайн ажиллаж яваа нь сайхан хамт олонтой минь салшгүй холбоотой, барилга гэдэг олон хүний ур ухаан, хүч хөдөлмөр, нэгдмэл санаагаар бий болдог юм байна” гэлээ.
Улс оронд эдийн засгийн хямрал нүүрлэж, энэ нь барилгын салбарт нөлөөлж эхэлэх үед “Гангар Инвест” компани чадварлаг, хичээл зүтгэлтэй ажилчдаа алдчихгүйн тулд харуул манааг хүртэл ээлжээр хийлгэж байжээ.
Барилгын салбарт нөлөөлж буй бодлого, цаг үеийн байдлыг ч үл тоон энэ мэргэжилдээ мөн эзэн нь байх гэж их хичээдэг гэдгээ ч хэлээд авсан.
Хүний итгэлийг алдахгүй, хийх ёстой ажлаа цаг хугацаанд нь амжуулаад хийж байхад хүний хөдөлмөр үнэлэгддэгийн адилаар тэр компанийхаа захирлын нэрэмжит шагналыг удаа дараа авч, 2012 онд БХБЯ-ны “Хүндэт жуух бичиг” зэргээр шагнуулжээ.
Барилгын салбарт ажиллаж аж амьдралаа залгуулж байгаа болоод ч тэр үү О.Мөнхбат “Бурхан хүнийг бүтээсэн бусдыг барилгачин бүтээсэн” гэдэг үгэнд дуртай.
“Гангар Инвест”-ийн хамт олноороо бахархах цөөнгүй олон шалтгаан түүнд бий гэсэн. Нэг томоохон шалтгаан нь хань н.Мөнхчимэгтэйгээ энэ компанид ажилд ороод танилцаж, одоо хоёр хүүхдийн аав болсон. Хотоос зайдуухан байх Гачуурт тосгонд амьдардаг.
Эхнэр 2 хүүхэд хадам ээж бэргэн дүүгийн хамт
Түүний ажил гүйцэтгэлээрээ үнэлэгддэг бөгөөд сардаа дунджаар 1 сая гаруй төгрөгний цалин авдаг байна.
Хичээл зүтгэл, санаачлагатай ажилласныг нь үнэлж компанийх нь зүгээс урд хөршийн нийслэл Бээжин хот руу аялах эрхийн бичгээр хоёр ч удаа шагнаж, Турк улс руу хүртэл аялжээ.
Хамт олныхоо төлөөллийн хамт 2011 он. Бээжин хот
Турк улсад 2012 оны 5 сард хамт олны төлөөллийн хамт
Хөдөлмөр хүнийг голдог болохоос хүн хөдөлмөрийг голж болохгүй гэдгийн амьд жишээ энэ. Олон залуус мэргэжил сонгож байгаа энэ цаг үед ажил мэргэжлийг хар бор, бага гэж голохгүй хийж сурвал амьдралд хөл алдахгүй, сайхан амьдрах боломжоор дүүрэн байгаа гэдгийг харуулахыг зорилоо. Цаашид ч энэ залуу шиг хичээл зүтгэлтэй, ажил хөдөлмөртөө ахиц гаргах мянга мянган барилгачид төрөн гарч байж бидний хот, улс дэлхийд танигдах болно.
Хичээл зүтгэл, санаачлагатай ажилласныг нь үнэлж компанийх нь зүгээс урд хөршийн нийслэл Бээжин хот руу аялах эрхийн бичгээр хоёр ч удаа шагнаж, Турк улс руу хүртэл аялжээ.
Хамт олныхоо төлөөллийн хамт 2011 он. Бээжин хот
Турк улсад 2012 оны 5 сард хамт олны төлөөллийн хамт
Хөдөлмөр хүнийг голдог болохоос хүн хөдөлмөрийг голж болохгүй гэдгийн амьд жишээ энэ. Олон залуус мэргэжил сонгож байгаа энэ цаг үед ажил мэргэжлийг хар бор, бага гэж голохгүй хийж сурвал амьдралд хөл алдахгүй, сайхан амьдрах боломжоор дүүрэн байгаа гэдгийг харуулахыг зорилоо. Цаашид ч энэ залуу шиг хичээл зүтгэлтэй, ажил хөдөлмөртөө ахиц гаргах мянга мянган барилгачид төрөн гарч байж бидний хот, улс дэлхийд танигдах болно.