Нийслэлийн Иргэдийн төлөөлөгчдийн хурлын тогтоолоор өнгөрсөн онд Улаанбаатар хотын нутаг дэвсгэрийн хэмжээнд 52 байршилд иргэдэд шинээр газар өмчлүүлэхээр шийдвэрлэж энэхүү ажлыг цахим хэлбэрээр явуулахаар тогтсон нь нийгэмд багагүй хүлээлт үүсгээд буй.
 Цахим хэлбэрээр иргэдэд газар өмчлүүлэхийн тулд нэн түрүүнд газар өмчлөлийн цахим системийн программ хангамжийг боловсруулах шаардлагатай болсон бөгөөд энэ ажил саяхан  дуусчээ. Уг цахим систем нь иргэдийн газар өмчлөх хүсэлтийг хүлээн авах, бүртгэх, урьд өмнө гэр бүлийн хэрэгцээний зориулалтаар үнэ төлбөргүйгээр газар өмчилсөн эсэхийг хянан шалгах, хүсэлтийг баталгаажуулах гэсэн үйлдэлтэй бөгөөд иргэдийг урьд өмнө газар өмчилж байсан эсэхийг шалгахын тулд нийслэл хот төдийгүй хөдөө орон нутгийн газар өмчлөлийн бүртгэлийг хавсаргах шаардлагатай болсон байна. Одоогийн байдлаар Завхан, Сэлэнгэ гэсэн хоёрхон аймгаас бусад нь бүс нутгийнхаа газар өмчлөлийн тайлан мэдээг ирүүлжээ. Хэрэв тухайн 2 аймаг дахин хугацаа алдахгүйгээр яаралтай газар өмчилж авсан иргэдийн талаарх мэдээллээ ирүүлэх юм бол  8-р сарын 1-нээс эхлэн нийслэл хот эхний ээлжийн 5 байршилд газрыг иргэдэд өмчлүүлэхэд бэлэн болсон байна.  Хөдөө орон нутгийн газар өмчлөлийн мэдээллийг нэгтгэх болсон шалтгаан нь “Газрын тухай хууль”-нд “Монгол улсын иргэн 1  удаа  үнэгүйгээр газар өмчлөх эрхтэй” хэмээн зааж өгсөнтэй холбоотой. Гэтэл нийслэлийн иргэд өмнө нь хөдөө орон нутагт газар өмчилж авсан хэр нь албан ёсны нэгдсэн бүртгэл байхгүйг ашиглан  Улаанбаатарт дахин газар өмчилж хуулийн дээрх заалтыг зөрчиж болзошгүй тул нэгдсэн бүртгэлийн системийг гаргах зайлшгүй шаардлагатай болсон хэрэг. 
 Газар өмчлөлийн цахим систем нь зөвхөн бүртгэл хийгээд зогсохгүй иргэдэд өмчлүүлэхээр төлөвлөсөн газруудын байршил, тэдгээрийн албан ёсны нэр, хаяг, талбайн хэмжээ, төвөөс алслагдах зай, хил заагийг харуулсан тойм зураг, өмчлөх  боломжтой нэгж талбарын тоо, газар өмчлөхөөр хүсэлт гаргасан иргэдийн тоо, тухайн байршилд газар өмчлөхөөр сонгогдсон иргэдийн нэрс зэрэг шаардлагатай бүхий л мэдээллийг хүн бүрт ил тод харуулах гэнэ.  Иргэд бүртгүүлэхдээ хувийн мэдээлэл, холбоо барих утасны дугаар, цахим хаягаа үнэн зөв, ойлгомжтой байдлаар бөглөх шаардлагатай бөгөөд цахим системээр газар өмчлөхөөр сонгогдсон иргэн тухайн газрын харъяа дүүргийн Засаг даргад ажлын 10 хоногт багтаан өргөдөл гаргах юм. Харин дүүргийн газрын асуудал эрхэлсэн байгууллагаас иргэнд газраа тэмдэгжүүлэх тухай мэдэгдэл өгснөөр хувийн өмчид шилжих аж. Мөн өмчлөхөөр хүсэлт гаргасан газрын байршил давхацсан тохиолдолд сугалаа явуулах бөгөөд үүнийг мөн компьютерийн тусгай программаар шийдэх гэнэ.  
Нийслэлийн Засаг даргын тамгын газраас цахим хэлбэрээр газар өмчлөх ажил эхлэхээс 7 хоногийн өмнө олон нийтийн хэвлэл мэдээллийн хэрэгслүүдээр албан ёсоор зарлах бөгөөд иргэдэд туслах зорилгоор дүүргүүдийн газрын харилцааны албаны ажилтан албан хаагч, хороодын Засаг дарга, хэсгийн ажилтнуудыг сургалтанд хамруулах юм байна.
Иргэн та газар өмчилж авахын тулд

Нийслэл хот 1сая 160 мянга гаруй иргэнтэй ч одоогоор дөнгөж 102 мянган иргэн албан ёсоор газраа өмчилж авчээ. Иймд үлдсэн сая гаруй иргэнд газрыг нь өмчлүүлэхийн тулд 52 байршлыг сонгосон ч эхний ээлжинд 5 байршилд 250 мянган иргэнийг хувийн эзэмшлийн газартай болгохоор ажиллаж байгаа нь энэ юм. Эдгээр 5 байршилд газар авахыг хүсвэл эхний ээлжийн бүртгэлд хамрагдаж болох бөгөөд газрын байршил төдийлөн таалагдахгүй бол дараагийн ээлжийг хүлээж бас болно. Нэгэн зэрэг 52 байршилд газар өмчлүүлэхгүй байгаагийн шалтгааныг нийслэлийн удирдлагууд иргэдэд өмчлүүлж байгаа бүсэд цахилгаан болоод дэд бүтцийн ажлуудыг улсын төсвөөс  хийж байгаатай холбон тайлбарласан. Мөн дээрх газруудыг албан ёсоор хаягжуулах ажил ч багагүй цаг хугацааг шаардаж байгаа гэнэ. 
Цахим хэлбэрээр газар өмчлүүлэх эхний ээлжийн 5 байршил

Дээрх газрууд нь одоогоор төрийн өмч бөгөөд  албан ёсны зөвшөөрөлгүйгээр оршин сууж байгаа иргэдэд газар чөлөөлөх шаардлагыг хүргүүлээд байгаа бөгөөд энэхүү шаардлагыг хүлээн аваагүй тохиолдолд албадан нүүлгэх юм байна.
Дашрамд дурдахад газар өмчлөх хүсэлтэй боловч иргэний эрх үүргээ биечлэн хэрэгжүүлэх боломжгүй буюу хөгжлийн бэрхшээлтэй, өндөр настан, насанд хүрээгүй хүүхэд, интернет сүлжээнд холбогдоогүй иргэд нь итгэмжлэгдсэн төлөөлөгчөөрөө дамжуулан хүсэлт гаргах боломжтой гэнэ. Мөн  цахим хэлбэрээр газар өмчлүүлэхтэй холбоотойгоор зуслангийн хэсэгчилсэн ерөнхий төлөвлөгөөг батлаж, одоогийн оршин суугаа иргэдэд газрыг нь өмчлүүлэх ажлыг 9-р сарын 1-ний өдрөөс эхлэн зохион байгуулахаар болжээ. Иймд зуслангийн бүсд хувийн өмчтэй иргэд мөн газраа үнэ төлбөргүйгээр хувьчилж авч болох боломжтой болж байгаа ч ойн бүс нутаг болоод усны сав газарт буусан айлуудад газрыг нь өмчүүлэх боломжгүй болохыг бас дуулгасан юм.  Зуслангийн байршлуудад газар өмчлөх ажлыг мөн ялгаагүй зэрэг явуулах боломжгүй бөгөөд эхний ээлжинд

Харин газраа өмчилж авахын тулд www.umch.mn сайтад хандах шаардлагатай.