Энэхүү цогцолборын талаар архитектор Cymon Allfrey хэлэхдээ: “Уг төслийн гол зорилго нь орчин үеийн амьдралын хэв маягт дассан хотын оршин суугчдад зориулан бага өртгөөр амины сууцны цогцолбор хороолол бий болгох явдал юм. Үүнээс гадна оршин суугчдад таатай уур амьсгал бий болгох үүднээс сууц бүр өөр хоорондоо холбоотой байна” гэжээ.
        “Wilton close” цогцолбор нь Christchurch /Кристчарч/ хотын “Four avenue” өргөн чөлөөнд байрладаг. Уг талбай нь Кристчарч хотын төвд орон сууцны нягтрал ихтэй бүсэд оршдог.  2030 онд хотын  хүн амын тоо огцом өсөх  судалгаа гарсантай холбогдуулан хотын зөвлөл 2005 онд энэхүү төслийг хэрэгжүүлэх шийдвэрийг гаргажээ.
       Амины орон сууцны орчин үеийн жишиг цогцолборын анхны загварын сэдэлд Их Британы “Wilton house”, “Wiltonshire” зэрэг барилгууд ихээр нөлөөлсөн бөгөөд 1630 онд баригдсан Palladian барилгын фасаднаас санаа авсан байна.
      Сууцны гадаргууг гял цал байлгахаас татгалзаж геометрийн хүчтэй элемент түлхүү хэрэглэсэн бол гадна талбайд замын гадаргууг хийсэнтэй ижил хийцийн систем ашиглажээ.
      Сууц бүрийн хэв маяг өөр өөрийн онцлогтой. Тод цагаан өнгийн тагтнууд нь хар өнгийн ханыг нэвтлэнэ. Сууцанд эхний давхраас дээш консол гаргаж өгснөөр нийтийн талбайн эзлэхүүн ихсэх аж. Мөн сууц нь суурийн давхраас дээш 3 давхар байх ба хийцийн хувьд бетонон блок байна.
     Энэхүү сууцны энгийн геометр хэлбэр нь дээд давхар хүртэл давтагдах ба энэ  нь эдийн засгийн хувьд оновчтой шийдэл болж чаджээ. Мөн дээд давхрын хэсгийг тансаг мэдрэмж төрүүлэхүйц, дээвэртэй шууд залгагдах төмөр хавтгайлжаар бүрсэн нь хийцийн хувьд хямд тусах юм. Цонх болон тагтнууд энэхүү төмөр ханыг цоолон гарснаар геометр хэлбэрийг эвдэх төдийгүй сууц бүрийг хооронд нь өөр харагдахад түлхэц болжээ.