“Төрийн орон сууцны корпораци-”н захиалгаар баригдсан 1764 айлын орон сууц бүхий  “Буянт ухаа 1” хорооллын захиалагчийг олон нийт ил тод тодруулах үүднээс байрны азтанг тодруулах сугалааг МҮОНТВ-ийн 2 дугаар сувгаар шууд дамжуулан зохион байгуулж байсан билээ.
            Энэхүү сугалаагаар нийт 1540 азтанаар тодорч орон сууц захиалах эрхтэй болсон бөгөөд өнөөдрийн байдлаар нийт эрх бүхий азтнуудын 1217 иргэн “Буянт ухаа 1” хорооллын захиалгын журмын дагуу орон сууцны урьдчилгаа 30 хувийн төлбөрийг төлөн захиалгын гэрээг байгуулаад байна.
            Журамд заасан хугацаанд урьдчилгаа төлөөгүй гэрээ байгуулаагүй иргэдийн эрхийг цуцалж  дараагийн иргэдэд боломж олгох үүднээс 2 дахь шатны сугалааг 07-р сарын 25-ны өдөр буюу маргааш үдээс хойш 15 цагт  “Спортын төв” ордонд зохион байгуулахаар болжээ.
            Энэхүү 2 дахь шатны сугалаа нь нийт 323 орон сууцны эрхийг олгох сугалаа  бөгөөд өмнө нь сугалаанд оролцсон боловч орон сууцны эрхийн азтан болоогүй Төрийн албан хаагчид, залуу гэр бүл, ахмад настан, хөгжлийн бэрхшээлтэй иргэдийн дунд явагдана.
            Дашрамд дурдахад “Буянт-Ухаа 1” хорооллын нийт 28 орон сууцны барилгын Улсын комиссын акт гарч дууссан бөгөөд Орон сууцанд хамрагдах журмын дагуу байраа сонгож, төлбөрийн асуудлыг шийдсэн  иргэдийн үл хөдлөх эд хөрөнгийн гэрчилгээ гарч эхлээд байна.
  "Буянт-Ухаа1" хороололд орон сууцны 8 хувийн зээл олгож буй арилжааны банкуудын салбар, тооцооны төвүүдийн жагсаалт