Хот байгуулалтын баримт бичиг, барилга байгууламжийн зураг төсөлд магадлал хийсэн зардлыг Зам,тээвэр, барилга, хот байгуулалтын сайдын 2012 оны 181 дүгээр тушаалын хоёрдугаар хавсралтаар зураг төсөл, инженер хайгуулын ажлын үнийн дүнгээс 8  хувиар тооцохоор заасан байдаг.
Харин үүнийг Барилга, хот байгуулалтын сайдын 2014 оны “Барилгын норм ба дүрэмд нэмэлт, өөрчлөлт оруулах тухай” тушаалаар магадлал хийх ажлын зардлыг хот байгуулалтын баримт бичиг, барилга байгууламжийн зураг төсөл боловсруулах онцлог, төвөгшлийн ангиллаас нь хамааруулж 4-8 хувиар тооцдог болгон өөрчилжээ.
 Түүнчлэн хот байгуулалтын баримт бичиг, барилга байгууламжийн зураг төсөлд магадлал хийх ажлын чанарыг сайжруулах зорилгоор зураг төсөлд магадлал хийсэн эрх бүхий этгээдэд хуваарилах зардлыг тухайн магадлалын ажлын зардлын 70 хувиар тооцож олгодог болгожээ.
Харин барилгын норм ба дүрмийг Хууль зүйн асуудал хариуцсан төрийн захиргааны төв байгууллага улсын нэгдсэн бүртгэлд бүртгүүлснээр хүчин төгөлдөр мөрдөх эхлэх гэнэ.