Эрчим хүч зохицуулалтын чиглэлээр дэлхийд тэргүүлэгч “Шнайдер Электрик” компани Систем Интегратор /СИ/ Аллианс Түншлэлийн  хөтөлбөрөө Монголын компаниудтай хамтран хэрэгжүүлэх болсноо зарлалаа. Тус хөтөлбөрт "Topica" ХХК, "IT Zone" ХХК, "Prestige Engineering" ХХК зэрэг Монголын томоохон систем интегратор компаниуд нэгдэж, дэд бүтэц, аж үйлдвэрлэлийн салбарын дэлхийн мэргэжилтнүүдийн сүлжээг ашиглан бизнесээ эрчимжүүлэх боломжтой болж байгаа юм.
    “Шнайдер Электрик” компани дэлхийн 190 гаруй оронд тоног төхөөрөмжөө суурилуулсан бөгөөд уг түншлэлд нэгдсэн компаниуд дэлхий даяар хэрэглэгчдийн итгэлийг хүлээсэн СИ Аллианс сүлжээний нэгэн хэсэг болж байгаа юм.
СИ Аллианс түншлэлийн хөтөлбөр нь Шнайдер Электрикийн хамгийн шилдэг технологийн шийдлийг түнш компанийнхаа тухайн нутагт тохирсон мэдлэг, ур чадвартай хослуулан  хэрэглэгчиддээ санал болгодог бие даасан систем интеграторуудын нэгдсэн сүлжээ юм.
       Үйлдвэрлэлийн бүтээмжээ дээшлүүлэх автоматжуулалтын шинэлэг систем эсвэл автоматжуулалтын тоног төхөөрөмжиндөө илүү үр ашигтай үйлчилгээний систем нэвтрүүлэхээр зорьж байгаа үйлдвэрийн автоматжуулалтын инженер, техник үйлчилгээний хамт олны зорилго Шнайдер Электрикийн СИ Аллианс түнш болсоноор биелэлээ олох боломжтой юм.