Дэлхий нийтээр ногоон архитектурыг илүүтэй сонирхох болсон энэ цагт эрчим хүчний хэмнэлт бүхий барилга, орон сууцны загвар түгээмэл бүтээгдэж байна. Үүний нэг жишээ нь Испани улсын “Фаб лаборатори” студийн зохион бүтээсэн нарны сууц юм.  
    Энэхүү нарны сууцыг дэлхийн хаана ч хэн ч хийж болох ба энэ нь орон сууцны үйлдвэрлэл биш юм. Харин дээвэр дээрээ нарны эрчим хүчийг хуримтлуулах хавтан бүхий шинэ үеийн  сууц.
Нарны сууцны бүтэц аргазүй нь түгээмэл материал бүхий гарын доорхи аргачлалаар бүтсэн. Хэлбэрийн хувьд ч дахин давтагдашгүй өвөрмөц дизайнтай.
Тус эко сууц нь ямар ч эргэлзээгүйгээр орон байрны боловсронгуй төгс шийдэл юм. Өөрөөр хэлбэл энэ нь байгальд ээлтэй технологиор бий болсон төдийгүй геометрийн маш нарийн зохиомж бүхий  байгууламж болж чаджээ.
МАТЕРИАЛЫН СОНГОЛТ
Материалын үндсэн сонголтод мод болон металл орно.   Энэхүү нарны сууц нь нэгдүгээрт цахилгаан эрчим хүчийг хэмнэх зориулалттай, хоёрдугаарт мод болон металлын хослол бүхий бүтэцтэй тул ашиглахад хөнгөн хялбар.  
БАЙГУУЛАМЖ БОЛОН УГСРАЛТ
1220х1440 мм дөрвөлжин давхар хавтангуудаас бүрдсэн бүтэц бүхий модон байгууламж юм.
Бэлтгэсэн: Б.Цолмонтуяа